KSHH

TEL/FAX

++355(4)233671

MISIONI I KSHH-së

Misioni kryesor i KSHH-së është vëzhgimi i respektimit të të drejtave dhe lirive të njeriut dhe reagimi për rivënien e tyre në vend, sensibilizimi i shtetasve mbi mbrojtjen e të drejtave dhe lirive të tyre; përmirësimi i legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.
 

Thirrje e Komitetit Shqiptar të Helsinkit

02.07.2009

Komiteti Shqiptar i Helsinkit përjetoi me shqetësim situatën paszgjedhore që u krijua dy ditët e fundit, për shkak të bllokimeve të procesit të numërimit të votave në disa zona, e veçanërisht në qarkun e Fierit. Kjo situatë është e papajtueshme me të drejtën për të votuar dhe respektimin e vullnetit të popullit, përmbushja e të cilëve përbën standardet themelore për zhvillimin e zgjedhjeve në Shqipëri. 

RAPORT PARAPRAK PËR ECURINË E PROCESIT ZGJEDHOR  TË  28 QERSHORIT 2009

Hotel  Tirana,  29 QERSHOR 2009

ORA 11:00

Komiteti Shqiptar i Helsinkit realizoi vëzhgimin e zgjedhjeve të 28 qershorit 2009, duke aktivizuar 150 vëzhgues të akredituar nga KQZ. Vëzhgimi u bë i mundur edhe në saje të mbështetjes të Ambasadës Amerikane në Shqipëri, duke u shtrirë kryesisht në 8 qarqe të vendit: Tiranë, Gjirokastër, Fier, Durrës, Elbasan, Shkodër, Vlorë dhe Kukës.  Ky monitorim nuk u përqëndrua vetëm ditën e votimit dhe numërimin e votave. Ai përfshiu aspekte të ndryshme të procesit zgjedhor. Ditën e votimit u monitoruan mbi 700 Qv në të gjitha qarqet e sipërshënuara. Të 150 vëzhguesit janë trajnuar paraprakisht dhe kanë qendruar në kontakt të vazhdueshëm me specialistët e KSHH-së për përditësimin e njohurive të tyre.

Trajnime përmbyllëse me punonjësit e përzgjedhur rishtas në institucionet penitenciare të Korçës dhe të Vlorës

22.06.2009

Më 12-13 Maj 2009 dhe 12-14 Maj 2009, KSHH-ja organizoi dy trajnime paralele të fokusuara tek punonjësit me uniformë të përzgjedhur rishtas në Institucionin e Ekzekutimit të Vendimeve Penale të Korçës dhe Institucionin e Paraburgimit të Vlorës. Objektivi kryesor i këtyre trajnimeve ishte rritja e aftësive profesionale të personelit me uniformë të institucionit të përzgjedhur rishtazi, duke i pajisur ata me njohuri vepruese lidhur me funksionimin e burgut në praktikën e përditshme dhe trajtimin human dhe me dinjitet të personave të privuar nga liria.  

6 ditë para zgjedhjeve

22.06.2009

Komiteti Shqiptar i Helsinkit (KSHH) në prag të zgjedhjeve të 28 qershorit 2009, e sheh të nevojshme t’i drejtohet partive politike dhe vetë zgjedhësve në mënyrë që së bashku të arrijmë qëllimin kryesor – zhvillimin e zgjedhjeve të lira dhe të ndershme. Në këtë vështrim, vullneti politik dhe zbatimi rigoroz i ligjit janë faktorë të rëndësishëm që në këto zgjedhje parlamentare të zhvillohen me standardet që kërkohen për zgjedhje të lira e të drejta.

Respektimi i të drejtave të emigrantëve shqiptarë dhe personave të kthyer në Shqipëri

19.06.2009

Me synim për të nxitur bashkëpunimin ndërmjet institucioneve shtetërore dhe shoqërisë civile dhe koordinimin e përpjekjeve në gjetjen e mundësive të përbashkëta për përmirësimin e situatës së të drejtave të emigrantëve shqiptarë dhe personave të huaj të kthyer në Shqipëri, KShH në datën 11 qershor 2009, organizoi një tryezë të rrumbullakët me temë “Respektimi i të drejtave të emigrantëve shqiptarë dhe personave të kthyer në Shqipëri”.

Nënshkruhet Marrëveshja e Bashkëpunimit mes Komitetit Shqiptar të Helsinkit dhe Avokatit të Popullit

19.06.2009

Më 17 Qershor 2009, Komitetit Shqiptar të Helsinkit (KShH, në vazhdim) dhe institucioni i Avokatit të Popullit të Republikës së Shqipërisë (AP, në vazhdim) nënshkruan një Marrëveshje Bashkëpunimi. Gjithashtu, AP nënshkroi tre marrëveshje me tre organizata të tjera jo-fitimprurëse.

Mbi rezultatet e sondazhit për identifikimin e dhunës policore tek të miturit e paraburgosur në Tiranë

19.06.2009

Komiteti Shqiptar i Helsinkit punon intensivisht për mbrojtjen dhe promovimin e të drejtave të personave të privuar nga liria në përgjithësi dhe të grupeve në nevojë në veçanti në institucionet si komisariatet e polisicë, paraburgimet dhe burgjet.

Deklaratë e KShH lidhur me ngjarjen e rëndë në fshatin Grizhe të Malësisë së Madhe

18.06.2009

Komiteti Shqiptar i Helsinkit nëpërmjet medias elektronike është informuar se sot, në datën 18 qershor 2009, ora 9:45, në vendin e quajtur Grizhe, ka shpërthyer makina me të cilën udhëtonte Aleks Keka, anëtar i Këshillit të Qarkut Shkodër dhe kryetar i Partisë Demokristiane të Malësisë së Madhe. Si pasojë e këtij shpërthimi ai ka gjetur vdekjen.

Jemi të vonuar: Edhe 13 ditë na ndajnë nga dita e zgjedhjeve

15.06.2009

Komiteti Shqiptar i Helsinkit i informuar se mjaft Komisione të Qendrave të Votimit nuk ishin ngritur, nëpërmjet vëzhguesve të tij në datat 10 – 13 qershor kreu një vëzhgim të pjesshëm për të konstatuar në vend funksionimin e KZAZ-ve dhe ngritjen e KQV-ve.