KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Ky projekt përbën fazën  e parë të një të veprimtarie të gjerë dhe të pasur në drejtim të respektimit të të drejtave të minoriteteve dhe të komuniteteve e tjera në Shqipëri.  Gjatë kësaj periudhe, në fokus të KSHH-së kanë qenë minoriteti maqedonas dhe ai rom.

 Qëllimi kryesor  i  projektit

Qëllimi kryesor i këtij projekti ishte nxitja e respektimit më të mirë të të drejtave të  minoriteve dhe  forcimi i bashkëjetesës dhe  respektimit të diversiteteve në Shqipëri.

Objektivat konkretë të projektit ishin:

a)      Vlerësimi i gjendjes së minoriteve në Shqipëri nëpërmjet vizitave në vendet ku banojnë minoriteti maqedonas dhe ai rom si dhe takimeve me autoritetet vendore.

b)      Rritja e sensibilizimit të publikut për të drejtat e minoriteteve nëpërmjet publikimit të përfundimeve, ballafaqimit të përfundimeve të vëzhgimeve me kërkesat e konventës kuadër, reagimeve publike dhe letrave drejtuar autoriteteve kompetente. 

c)      Nxitja e bashkëpunimit ndërmjet përfaqësuesve të minoriteteve; e zgjidhjeve konkrete aty ka nevojë, duke diskutuar problemet e konstatuara në tryeza të përbashkëta me përfaqësues të minoriteteve dhe të organeve të qeverisjes vendore si dhe e zgjidhjeve të këtyre problemeve

d)      Ndërtimi i kapaciteteve lokale dhe nxitja e nismave lokale për zbatimin me të mirë të standardeve të vendosura nga legjislacioni kombëtar dhe ndërkombëtar.

Rezultatet e projektit

a)                  KSHH-ja vlerësoi situatën e të drejtave të minoriteteve në zonën e Liqenasit të rrethit Korçë, në rrethet e Fierit, Beratit dhe të Tiranës.

b)                  Zhvillimi i katër tryezave të rrumbullakëta  në secilin  rreth.

c)                  Nxitja e nismave  lokale  dhe e përfaqësuesve të minoriteteve, kryesisht atij rom, në marrjen e nismave konkrete kundër braktisjes së shkollës dhe integrimit më të mirë në shoqëri të këtij minoriteti.

d)                  Hartimi i raporteve për gjendjen e të drejtave të  këtyre minoriteteve dhe i rekomandimeve për zgjidhjen e problemeve të ndryshme të tyre.

Në kuadër të këtij projekti, KSHH-ja ka ngritur zërin me anë të deklaratave publike në media për gjendjen e hasur gjatë vëzhgimeve që ka realizuar të komunitetin rom.