KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Qëllimi kryesor i projektit:  Dhënia e ndihmesës në përmirësimin e të drejtave të njeriut në nivel vendor.  

Objektivat   konkretë të projektit

• Vëzhgimi në mënyrë më sistematike i respektimit të lirive dhe të të drejtave të njeriut në nivel vendor.

• Lehtësimi i procesit të rivendosjes së të drejtave të shkelura të shtetasve në rrethet ku veprojnë korrespondentët.

• Zgjerimi i aktiviteteve sensibilizuese dhe edukuese me të drejtat e njeriut në nivel vendor.   

• Rritja e aksesit të publikut tek KShH-ja.

Veprimtaritë e realizuara në kuadër të këtij projekti 

1. Vëzhgime sporadike dhe të planifikuara të respektimit të të drejtave të njeriut në polici, gjykatë, administratë etj.

2. Trajtimi i letrave dhe i ankesave të qytetarëve në rrethet ku veprojnë korrespondentët.

3. Programe informuese në televizionet dhe radiot lokale në  rrethe për informimin e publikut lidhur me procesin zgjedhor për organet e qeverisjes vendore.

4. Përgatitja e dy raporteve lidhur me respektimin e të drejtave të shtetasve në polici dhe në sistemin gjyqësor.

5. Misione mbështetëse të rrjetit të korrespondentëve në të gjitha rrethet ku vepron rrjeti.

6. Trajnimi i korrespondentëve lidhur me të drejtat dhe metodologjinë e vëzhgimit në fushën e paraburgimit dhe të burgjeve.

7. Takimi vlerësues i rrjetit të korrespondentëve.

Rezultatet e projektit :

• Njohja më e mirë e gjendjes së të drejtave të njeriut në: gjyqësor, komisariate, shëndetësi, administratë, në rrethet ku veprojnë korrespondentët e KSHH-së.

• Rritja e aksesit të qytetarëve te KSHH-ja.

• Lehtësimi i procedurave dhe zgjidhja më shpejt e shqetësimeve të qytetarëve lidhur me respektimin e të drejtave të tyre.

• Monitorimi më mirë i organeve vendore.

• Rritja e rolit të KShH-së në nivel vendor.