KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Duke qenë se Komiteti Shqiptar i Helsinkit është organizatë e të drejtave të njeriut me statusin e organizatës vëzhguese ndaj shkeljeve të të drejtave nga organet shtetërore, ajo nuk mund të marrë mbështetje dhe donacione nga shteti. Nga ana tjetër, me gjithë përmirësimet e bëra në drejtim të respektimit të të drejtave të njeriut, institucionet shtetërore kanë nevojë që, krahas mekanizmave të kontrollit të brendshëm të tyre, të kenë të pranishëm edhe mendimin e organizatave vëzhguese të të drejtave të njeriut.

Për shkak të specifikës së vet, KSHH-ja ka pasur dhe ka nevojë të funksionojë, falë mbështetjes financiare të donatorëve. Edhe gjatë vitit 2002, Komiteti ka funksionuar si një organizatë vëzhguese, mbrojtëse dhe lobuese e të drejtave të njeriut, falë mbështetjes së  dhënë nga tre donatorë të cilët, në të njëjtën kohë, janë edhe partnerë të Komitetit, si:  CORDAID-i, Komiteti Holandez i Helsinkit dhe Komiteti Norvegjez i Helsinkit.

Qëllimi i projektit

Projekti synonte përmirësimin e respektimit të të drejtave të njeriut dhe sensibilizimin e publikut për të drejtat e tyre duke forcuar rolin e KSHH-së në shoqërinë civile shqiptare. 

Objektivat e projektit ishin:

• Forcimi i rolit vëzhgues dhe reagues i Komitetit Shqiptar  të Helsinkit për një respektim dhe mbrojtje më të  mirë  të të drejtave të shtetasve  në fushat  më problematike të të drejtave të njeriut.

• Ndihmesa në përmirësimin e legjislacionit dhe praktivave të zbatimit të ligjit me qëllim  krijimin e një mjedisi ligjor më të mirë.

• Sensibilizimi i institucioneve shtetërore  dhe i punonjësve të tyre për një respektim më të mirë të ligjeve dhe të të drejtave të shtetasve nëpërmjet reagimeve,  rekomandimeve për zgjedhjen e problemeve,  mbështetjes së nismave për përmirësimin e të drejtave të njeriut dhe rritjes së ndërgjegjësimit të publikut për përfshirjen e tij në mbrojtjen e të drejtave.

Veprimtaritë e realizuara në kuadër të këtyre projekteve

Me përjashtim të projektit të burgjeve i cili, krahas këtij objektivi, ka pasur edhe objektiva të tjerë  në kuadër  të projekteve,  KSHH-ja ka vëzhguar në  mënyrë të vazhdueshme  respektimin e të drejtave të njeriut në fushat kryesore, ka trajnuar raste të shkeljeve, ka verifikuar  shkeljet e denoncuara, ka  informuar institucionet përgjegjëse  duke bërë rekomandimet përkatëse. Krahas kësaj veprimtarie,  KSHH-ja ka kontribuar në përmirësimin e legjislacionit dhe në njohjen dhe zbatimin më të mirë të tij.

Pjesë e veprimtarive në zhvilluara në këtë projekt janë edhe veprimtaritë që kanë synuar trajtimin e letrave, ankesave, të telefonatave të qytetarëve.