KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Titulli i projektit:       Ngritja e kapaciteteve të organizatës dhe forcimi i organizimit të brendshëm

Periudha e zbatimi:  tetor 2003-tetor 2006

Financuar nga:          CORDAID-i

Qëllimi i  këtij projekti është zhvillimi, forcimi dhe ngritja e  kapaciteteve të organizatës me qëllim shndërrimin e saj në një organizatë të qëndrueshme  në shoqërinë shqiptare.

Objektivat konkretë të projektit

1.      Forcimi i veprimtarive vëzhguese të KShH-së në fushat e “nxehta” të të drejtave të njeriut, i punës lobuese dhe mbrojtëse nëpërmjet forcimit të seksionit të vëzhgimeve.

2.      Rritja e sensibilizimit dhe përmirësimi i punës edukuese në fushën e të drejtave të njeriut.

3.      Forcimi i marrëdhënieve të organizatës me përfituesit dhe partnerët e saj nëpërmjet forcimit të aftësive të komunikimit me publikun dhe përdorimit më të mirë të mekanizmave ndihmës. 

4.      Rritja e performancës së stafit të KShH-së.

Veprimtaritë e zhvilluara në kuadër të projektit

1. Verifikime të rasteve të shkeljes së të drejtave të njeriut dhe ndërhyrje për rivendosjen e tyre.

2. Veprimtari lobuese dhe dhënie ekspertizash ligjore për ligje të ndryshme.

3. Rritje e aksesit të publikut në aktivitetet e KShH-së nëpërmjet botimit të buletinit periodik, raportit vjetor, mirëmbajtjes së faqes së internetit etj.  

4. Ngritje e kapaciteteve të organizatës nëpërmjet trajnimeve të stafit të KShH-së. 

5. Rritje e ndërgjegjësimit të publikut dhe autoriteteve shtetërore nëpërmjet hartimit të raporeve për të drejtat e njeriut në fusha të ndryshme, deklaratave publike dhe adresimit të rekomandimeve autoriteteve shtetërore. 

Rezultatet e projektit

• Janë forcuar marrëdhëniet e KShH-së me përfituesit e vet.

• është rritur numri i ankesave adresuar Komitetit Shqiptar të Helsinkit për të denoncuar raste të shkeljeve të të drejtave.

• Media e shkruar dhe ajo elektronike kanë qenë më të pranishme.

• është kërkuar më shumë ndihma e kësaj organizate në dhënien e ekspertizës ligjore, sidomos në lidhje me legjislacionin dhe procesin zgjedhor

• Stafi, korrespondentët dhe vullnetarët e tij janë më të trajnuar.

• është rritur transparenca financaire.