KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Qëllimi i këtij projekti ishte trajtimi i rasteve të keqtrajtimit të emigrantëve shqiptarë dhe ndërgjegjësimi i autoriteteve greke dhe shqiptare për  respektimin më të mirë të të drejtave të emigrantëve dhe për rivendosjen e të drejtave të shkelura.

Objektivat   konkretë të projektit

• Denoncimi i rasteve të keqtrajtimit të emigrantëve shqiptarë nga policia greke dhe shqiptare, nëpërmjet identifikimit të tyre.

• Ndërgjegjësimi i institucioneve shqiptare dhe greke për një respektim më të mirë të të drejtave të emigrantëve.

• Ofrimi i ndihmës ligjore viktimave të dhunës policore në Greqi dhe në Shqipëri.  

Veprimtaritë e realizuara në kuadër të këtij projekti 

1. Janë identifikuar, janë kontaktuar dhe u është dhënë ndihma dhe këshillimi ligjor personave-viktima të keqtrajtimit nga policia kufitare greke ose shqiptare.

2. është sensibilizuar opinioni publik shqiptar dhe grek  për respektimin e të drejtave të emigrantëve.

3. Janë denoncuar raste të dhunës dhe të ksenofobisë në median greke me anë të konferencave të shtypit.

4. Janë informuar  imigrantët për rregullat e kalimit në pikat e kalim-kufirit.

5. është monitoruar respektimi i të drejtave të imigrantëve në pikat e kalim-kufirit  për në Greqi.

Rezultatet e projektit:

• Janë denoncuar rastet e keqtrajtimit të emigrantëve shqiptarë.

• U është ofruar ndihmë ligjore një pjese të viktimave të dhunës.

• është sensibilizuar më shumë media greke dhe ajo shqiptare rreth trajtimit të emigrantëve.

• është rritur bashkëpunimi me Amnesty International dhe Grupin Grek të Helsinkit në ndjekjen e rasteve të keqtrajtimit, në denoncimin e tyre dhe rivendosjen e të drejtave të shkelura.