KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Qëllimi i projektit.  Të kontribuojmë në procesin e ndërgjegjësimit të shoqërisë civile për njohjen më të mirë të rolit të Gjykatës Ndërkombëtare Penale dhe për rëndësinë e zbatimit të Statutit të saj në legjislacionin e brendshëm shqiptar.

Objektivat kryesorë të projektit:

• Rritja e ndërgjegjësimit të publikut për rolin e Gjykatës Ndërkombëtare Penale, si dhe nevoja e zbatimit të Statutit të saj në legjislacionin e brendshëm shqiptar.

• Informimi i shoqërisë civile shqiptare për Gjykatën Ndërkombëtare Penale.

• Nxitja e organeve ligjvënëse për përmirësimin e legjislacionit penal me qëllim  zbatimin e  Statutit të Gjykatës Ndërkombëtare Penale.

Veprimtaritë e zhvilluara në kuadër të projektit:

1. Realizimi i studimit të  legjislacionit kushtetues, penal dhe procedural penal shqiptar nën frymën e Statutit të Gjykatës Ndërkombëtare Penale

2. Zhvillimi i tryezës së rrumbullakët për një njohje më të mirë të rolit të Gjykatës Ndërkombëtare Penale dhe për përqasjen e legjislacionit shqiptar me parimet dhe kërkesat që përmban Statuti i Romës. 

3. Botimi i studimit “Gjykata Penale Ndërkomëbtare, rasti i Shqipërisë”.

4. Adresimi i rekomandimeve  për përmirësimin e legjislacionit penal dhe procedural penal dhe i ndryshimeve të tjera të nevojshme.

Rezultatet e projektit

• Për herë të parë u krye një studim i përqasjes së legjisalcionit shqiptar me Statutin e Gjykatës Ndërkombëtare Penale.  

• Përfaqësues të organeve shtetërore premtuan ndryshimin e legjislacionit penal sipas frymës së Statutit të Romës.

• Shumë organizata të të drejtave të njeriut u informuan për herë të parë rreth këtij statuti dhe nevojave të reformës ligjore.

• Fakulteti i Drejtësisë dhe Shkolla e Magjistratutës kanë një bazë për ngritjen e  trajnimive të gjyqtarëve, prokurorëve dhe avokatëve lidhur me aspekte të ndryshme të Statutit të Romës.