KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Qëllimi i projektit:  Nëpërmjet përmirësimit të ligjit dhe praktikës së zbatimit të tij të kontribuojmë në respektimin e shtetit të  së drejtës.

Objektivat kryesorë të projektit:

• Përmirësimi i legjislacionit në fushat të tilla, si: sistemi zgjedhor, shërbimi ligjor falas dhe përmirësimi i sistemit të drejtësisë për të miturit.

• Monitorimi i zbatimit të legjislacionit shqiptar në procesin zgjedhor, shërbimin ligjor dhe drejtësinë penale të të miturve

• Forcimi  i veprimtarive lobuese për respektimin e të drejtave politike dhe lirive të shtetasve.

Veprimtaritë e realizuara në kuadër të këtij projekti 

1. Tri studime për Kodin zgjedhor, shërbimin avokator falas në procesin penal dhe legjislacionin penal për të miturit.

2. Anketimi i 350 personave të arrestuar të dënuar, 60 avokatëve, 47 gjyqtarëve dhe prokurorëve lidhur me realizimin e së drejtës së mbrojtjes në procesin penal.

3. Zhvillimi i një tryezë të rrumbullakët për shërbimin avokator falas në Shqipëri.

4. Përgatitja për botim e një studimi për shërbimin avokator falas.

5. Takime me përfaqësues të institucioneve shtetërore dhe aktorë të shoqërisë civile që veprojnë në këtë fushë.

6. Vëzhgime të herëpashershme në institucionet e vuajtjes së dënimit si dhe në institucionet e paraburgimit.

7. Trajtimi i shkeljeve të denoncuara në fushat e mësipërme.

8. Publikimi i studimit “Reforma zgjedhore”.

 Rezultatet e projektit :

• Sensibilizimi i institucioneve shtetëtore përkatëse rreth problemeve të ligjit dhe zbatimit të tij.

• Ndërmarrja e nismave ligjore nga institucionet përgjegjëse në fushën e reformës elektorale, të reformës së sistemit të drejtësisë penale për të mitur dhe në shërbimin avokator.

• Rivendosja e shumë prej shkeljeve të konstatura në fushat e mësipërme.