KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Qëllimi kryesor i projektit: Përmirësimi i situatës së të drejtave të njeriut në vendet e paraburgimit dhe në burgjet, si dhe i legjislacionit në këtë fushë dhe nxitja e mirëmenaxhimit të institucioneve penitenciare.

Objektivat kryesorë të projektit

• Përmirësimi i kushteve në vendet e paraburgimit dhe në burgje nëpërmjet identifikimit dhe raportimit të shkeljeve të të drejtave të të dënuarve si dhe identifikimi i mangësive institucionale që sjellin rrjedhimisht këto shkelje; përgatitja e rekomandimeve për strukturat përkatëse shtetërore.

• Mbështetja dhe lehtësimi i përpjekjeve të administratës së burgjeve për të përmirësuar menaxhimin e këtyre institucioneve nëpërmjet trajnimeve të stafit drejtues të dy burgjeve pilot të përzgjedhura, përkatësisht të burgut të Rrogozhinës dhe të Peqinit.

• Forcimi i rolit të KShH-së si aktor i rëndësishëm në shoqërinë civile në promovimin e të drejtave të njeriut në përgjithësi dhe në reformën e burgjeve në veçanti.

Veprimtaritë e zhvilluara në kuadër të projektit

1. Takime të vazhdueshme pune të përfaqësuesve të KShH-së, të Komitetit Suedez të Helsinkit, ekspertëve të huaj suedezë dhe holandezë, institucioneve shtetërore dhe aktorëve të tjerë që punojnë në këtë fushë.

2. Zhvillimi i misioneve të vëzhgimit në 8 burgje dhe 16 vende paraburgimi.

3. Vënia në funksionim e një linje telefonike për personat e arrestuar, të dënuar, familjarëve të tyre, për të denoncuar shkeljet e të drejtave të tyre dhe dhënia e këshillimeve ligjore.

4. Verifikimi i ankesave të personave të  arrestuar, dënuar ose të familjarëve të tyre.

5. Organizimi i tri sesioneve pune në burgun e Rrogozhinës dhe atë të Peqinit, në mbështetje të hartimit të Rregullores së brendshme të burgut të Peqinit, të Kodit të sjelljes për administratën e burgjeve, përcaktimi i përshkrimeve të punës për pozicionet kryesore të punonjësve të administratës së burgjeve etj.

6. Botimi i një fletëpalosjeje për rishikimin e vendimeve gjyqësore si dhe i kalendarëve me mesazhe për publikun e gjerë në përgjithësi, si edhe për personat e ndaluar apo të arrestuar në flagrancë në veçanti.

7. Organizimi i një takimi vlerësues të ecurisë së projektit .  

Rezultatet e projektit:

Falë rekomandimeve dhe presioneve të vazhdueshme të KShH-së, gjatë zbatimit të këtij projekti janë arritur këto rezultate:

1. Ministria e Drejtësisë ka marrë masa për transferimin e personave me vendim të formës së prerë, nga dhomat e paraburgimit në burgje (gjatë periudhës korrik-dhjetor 2004).

2. Janë transferuar personat e sëmurë kronikë, nga dhomat e paraburgimit në spitalin e burgut.

3. Ministria e Drejtësisë ka filluar rishikimin e kuadrit ligjor në fusha të tilla, si: punësimi i të dënuarve, ushqimi, kushtet në burgje etj.

4. Të dënuarit janë informuar më mirë për të drejtat e tyre dhe për këtë flet  numri në rritje i letrave dhe i ankesave pranë KShH-së.

5. Janë  zbutur grevat e ndryshme gjatë kësaj periudhe kohore.

6. Janë futur parime të reja në mënyrën e perceptimit të punës me përmirësimin e infrastrukturës ligjore brenda në burg.

7. është rritur pjesëmarrja e stafeve të institucioneve në përmirësimin e administrimit të institucioneve të tyre.

8. Media është treguar gjithnjë e më e ndjeshme ndaj çështjeve të të drejtave të personave të paraburgosur dhe të dënuar dhe ka pasqyruar gjerësisht aktivitetet e KShH-së për këte periudhë.