KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Përmirësimi i respektimit të të drejtave të minoriteteve dhe nxitja e përdorimit të mekanizmave të mbrojtjes së tyre ka qenë një ndër fushat e veprimtarisë së KShH-së.

Qëllimi i projektit të zbatuar gjatë vitit 2004 ishte sensibilizimi i publikut dhe i organeve shtetërore mbi minoritetet dhe të drejtat e tyre.

Objektivat  konkretë të projektit 

• Informimi më i mirë i publikut në përgjithësi dhe i pakicave në veçanti rreth konventës-kuadër “Për mbrojtjen e pakicave kombëtare”.

• Nxitja e qeverisë shqiptare për përmbushjen e detyrimeve që rrjedhin nga konventa-kuadër “Për mbrojtjen e pakicave kombëtare”, në përgjithësi, dhe për zbatimin me sukses të strategjisë për përmirësimin e situatës së romëve.

• Nxitja e organeve të qeverisjes vendore (ku janë të përqendruara minoritetet) për të rritur aksesin e minoriteteve tek këto organe.

Veprimtaritë e realizuara në kuadër të këtij projekti

1.      Monitorime sporadike lidhur me respektimin e konventës-kuadër.

2.      Takime të herëpashershme me autoritetet qendrore dhe vendore.

3.      Organizimi i 4 tryezave të rrumbullakëta, ndër të cilat 3 tryeza lokale dhe një konferencë kombëtare për vlerësimin e ecurisë së zbatimit të konventës-kuadër “Për mbrojtjen e pakicave kombëtare në Shqipëri”.

4.      Përgatitja e materialeve informuese për të drejtat e minoriteteve (udhërrëfyes i botuar në gjuhët shqip, greqisht, maqedonisht; fletëpalosje për të drejtat e minoriteteve; poster).

5.      Këshillime ligjore dhe mendime juridike për përmirësimin e legjislacionit në këtë fushë.

Rezultatet e projektit:

• është mundësuar një dialog konstruktiv mes përfaqësuesve të shtetit dhe atyre të minoriteteve dhe komuniteteve.

• Janë ndërgjegjësuar përfaqësuesit e minoriteteve për mekanizmat e mbrojtjes së të drejtave të tyre në rastet e shkeljeve të këtyre të drejtave.

• është sensibilizuar media lokale për çështjen e minoriteteve.

• Janë shkëmbyer përvoja pozitive të organeve të qeverisjes vendore lidhur me trajtimin e problemeve të grupeve të tilla,  si romët dhe egjiptianët.

• U është krijuar mundësia përfaqësuesve të pakicave që nuk flasin/njohin gjuhën shqipe, të njohin në gjuhën e vet të drejtat e tyre të garantuara në konventën-kuadër dhe në legjislacionin shqiptar.

• është forcuar roli i vetë KShH-së në presionin që ushtron ndaj institucioneve shtetërore për respektimin më të mirë të të drejtave të pakicave në vend.