KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Edhe gjatë vitit 2002, KSHH-ja, në bashkëpunim me Komitetin Holandez të Helsinkit, kanë vazhduar zbatimin e projektit "Monitorimi i kushteve në burgje dhe në vendet e paraburgimit në Shqipëri. Forcimi i Komitetit Shqiptar të Helsinkit”.

 Disa nga objektivat kryesorë të projektit ishin:

§         Ndihmesa në përmirësimin e kushteve në burgje dhe në vendet e paraburgimit në Shqipëri.

§         Sensibilizimi i organeve përkatëse shtetërore dhe i opinionit të përgjithshëm për  të drejtat dhe detyrimet në raport me organet e policisë,  të drejtësisë dhe vendet e paraburgimit.

§         Rritja e transparencës dhe e përgjegjshmërisë nga ana e organeve shtetërore për sa u përket procedurave që kanë të bëjnë me trajtimin e të paraburgosurve dhe të dënuarve.

§         Mirëkuptimi në rritje i opinionit për sa i përket respektimit të dinjitetit të individëve të paraburgosur dhe të dënuar.

Gjatë vitit 2002, realizimi i objektivave të mësipërm është realizuar nëpërmjet zhvillimit të këtyre aktiviteteve:

1.      Monitorime sporadike të vendeve të vuajtjes së dënimit.

2.      Studimi i respektimit të të drejtave të   femrave dhe të miturve të dënuar.

3.      Trajtimi i letrave, ankesave dhe telefonatave të qytetarëve.

4.      Reagime publike ndaj shkeljeve të të drejtave të personave të ndaluar,  të arrestuar dhe të dënuar.

5.      Sensibilizimi i institucioneve shtetërore për rritjen e profesionalizmit të  personelit të tyre dhe nxitjen për realizimin e  transferimit të vendeve të paraburgimit.

6.      Seminare trajnuese për personalin e burgjeve.

7.      Tavolina të rrumbullakëta me ekspertë të policisë gjyqësore.

8.      Shkëmbimi i përvojës  ndërmjet disa drejtuesve të burgjeve shqiptare  me homologë holandezë  në burgjet e Holandës (1-7 prill 2002)

 Gjatë këtij viti, në krahasim me vitet e mëparshme, është punuar më shumë në informimin dhe trajnimin më të mirë të personelit të burgjeve dhe informimin më të mirë të shtetasve dhe të personave në kontakt me policinë, drejtësinë penale dhe burgjet duke përdorur edhe publikimet dhe spotet televizive.

Një ndër aktivitetet më të rëndësishme është Konferenca Ndërkombëtare  “Shkëmbim përvoje në fushën e burgjeve dhe të vendeve të paraburgimit në Shqipëri: Ndërtimi i një strategjie në këtë fushë”, 21–22 qershor 2002, dhe botimi i librit “Gjendja e burgjeve dhe e vendeve të paraburgimit në Shqipëri”. Ky projekt është financuar nga Ministria e Jashtme e Holandës.