RAPORT PARAPRAK PËR ECURINË E PROCESIT ZGJEDHOR  TË  28 QERSHORIT 2009

Hotel  Tirana,  29 QERSHOR 2009

ORA 11:00

Komiteti Shqiptar i Helsinkit realizoi vëzhgimin e zgjedhjeve të 28 qershorit 2009, duke aktivizuar 150 vëzhgues të akredituar nga KQZ. Vëzhgimi u bë i mundur edhe në saje të mbështetjes të Ambasadës Amerikane në Shqipëri, duke u shtrirë kryesisht në 8 qarqe të vendit: Tiranë, Gjirokastër, Fier, Durrës, Elbasan, Shkodër, Vlorë dhe Kukës.  Ky monitorim nuk u përqëndrua vetëm ditën e votimit dhe numërimin e votave. Ai përfshiu aspekte të ndryshme të procesit zgjedhor. Ditën e votimit u monitoruan mbi 700 Qv në të gjitha qarqet e sipërshënuara. Të 150 vëzhguesit janë trajnuar paraprakisht dhe kanë qendruar në kontakt të vazhdueshëm me specialistët e KSHH-së për përditësimin e njohurive të tyre.

TRAJNIME

Zgjedhjet Parlamentare 2009, KSHH trajnon vëzhguesit e saj afatgjatë në Tiranë, Fier, Elbasan dhe Shkodër

27.05.2009

Komiteti Shqiptar i Helsinkit, gjatë periudhës prill dhe maj 2009 zhvilloi disa trajnime për vëzhguesit e saj afat-gjatë, konkretisht në datën 24 prill 2009 në Tiranë, në datën 9 maj 2009 në Elbasan, 14 maj në Fier dhe në 16 maj në Shkodër.

Trajnohen vëzhguesit e zgjedhjeve parlamentare të 28 qershorit 2009

24.04.2009 

Në kuadër të monitorimit të zgjedhjeve parlametare të datës 28 qershor 2009, Komiteti Shqiptar i Helsinkit (KSHH) trajnoi 60 vëzhgues që do të angazhohen në vëzhgimin e aspekteve të ndryshume zgjedhore dhe të ditës së zgjedhjeve në  Tiranë dhe Durrës.