Ky botim ka për qëllim informimin më të mirë të publikut dhe punonjësve të sistemit gjyqësor shqiptar, prokurorëve dhe avokatëve me rolin e Gjykatës Ndërkombëtare Penale e Romës, zbatimin e statutit të saj në legjislacionin e brendshëm si dhe me nxitjen e strukturave përgjegjëse shtetërore për përqasjen e legjislacionit shqiptar me këtë statut.

Ky botim përbëhet nga katër pjesë të veçanta, ku në pjesën e parë paraqitet një studim i hollësishëm i statutit të Gjykatës Ndërkombëtare Penale, disa aspekte kushtetuese të ratifikimit të saj nga RSh-ja, legjislacioni penal dhe procedurial penal lidhur me Statutin e kësaj gjykate, pjesë nga aktet ndërkombëtare si Konventa e Vjenës “Mbi të drejtën e traktateve” apo dhe pjesë të veçanta nga legjislacioni shqiptar lidhur me ratifikimin dhe zbatimin e këtij statuti, si dhe vendimi i Gjykatës Kushtetuese lidhur me përshtatshmërinë me statutin e Gjykatës së Romës, etj,.

Ky studim do t’u vijë gjithashtu në ndihmë edhe përfaqësuesve të strukturave shtetërore, të ngarkuar me bërjen e politikave dhe reformën ligjore studentëve të Fakulteteve të Drejtësisë dhe të Shkollës së Magjistraturës, praktikuesve të ligjit, shoqërisë civile shqiptare dhe, aktivistëve të të drejtave të njeriut.

Të drejtat e shpërndarjes dhe të shitjes të këtij publikimi janë të Komitetit Shqiptar i Helsinkit. Në rast se ju dëshironi ta bëni tuajin këtë publikim mund të kontaktoni në adresën e KSHH-së si më poshtë.  Publikimi gjendet vetëm në versionin shqip. 

Çmimi i tij është 300 Lek ose 2.5 Euro (çmimi është nën kosto)

Komiteti Shqiptar i Helsinkit

Rr. Gjin Bue Shpata,

Pall 5/1, Ap. 4,

P. O. Box /Kutia Postare No. 1752,

Tirana-Albania

Tel & Fax: ++355 (0)4 233 671,

e-mail: e.saliu@ahc.org.al;

web address: www.ahc.org.al: