Ky publikim ka për qëllim informimin e të gjitha autoriteteve shtetërore, shoqërisë civile si dhe publikut lidhur me disa aspekte të organizimit dhe funksionimit të sistemit të drejtësisë penale për të miturit në Shqipëri, me problematikën që paraqet në praktikë si dhe përpjekjet që po bëhen për të përmirësuar efektivitetin e tij.

Në këtë studim, është bërë një vështrim i detyrave të institucioneve të cilat realizojnë drejtësinë për të miturit, është bërë gjithashtu një studim i detajuar i legjislacionit në fuqi dhe i projektpropozimeve të bëra nga Ministria e Drejtësisë, për të cilat KSHH ka dhënë mendimin e tij nëpërmjet ekspertizës së tij lidhur me çështjet më të rëndësishme që paraqiten në këtë sistem, si gjykimi i të miturve nga seksione ose gjykata të veçanta, ofrimi i një shërbimi ligjor falas të specializuar, aplikimi i dënimeve alternative për të miturit, përfshirja e psikologut dhe punonjësit social në një proces penal, etj. Gjithashtu në këtë publikim janë paraqitur rekomandimet dhe përfundimet më të rëndësishme të dala nga ky studim.

Ky studim do të ndihmojë të gjithë përfaqësuesit e institucioneve shtetërore, vendimmarrëse dhe ekzekutive, shoqërinë civile si dhe të gjithë ata që duan të ndihmojnë në reformën për sistemin e drejtësisë për të mitur.

Të drejtat e shpërndarjes dhe të shitjes të këtij publikimi janë të Komitetit Shqiptar i Helsinkit. Në rast se ju dëshironi ta bëni tuajin këtë publikim mund të kontaktoni në adresën e KSHH-së si më poshtë.  Publikimi gjendet në versionin shqip dhe anglisht .

Çmimi i tij është 400 Lek ose 3.5 Euro (çmimi është nën kosto)

Komiteti Shqiptar i Helsinkit

Rr. Gjin Bue Shpata,

Pall 5/1, Ap. 4,

P. O. Box /Kutia Postare No. 1752,

Tirana-Albania

Tel & Fax: ++355 (0)4 233 671,

e-mail: e.saliu@ahc.org.al;

web address: www.ahc.org.al: