KSHH

TEL/FAX

++355(4)233671

MISIONI I KSHH-së

Misioni kryesor i KSHH-së është vëzhgimi i respektimit të të drejtave dhe lirive të njeriut dhe reagimi për rivënien e tyre në vend, sensibilizimi i shtetasve mbi mbrojtjen e të drejtave dhe lirive të tyre; përmirësimi i legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.
 

Komiteti Shqiptar i Helsinkit nis projektin një vjeçar “Për një personel të burgjeve sa më profesional dhe një drejtim civil të sistemit Shqiptar të burgjeve”

30.07.2010

Burgjet janë një shërbim shumë i rëndësishëm publik, që lidhet me sigurinë, mbrojtjen e shoqërisë dhe ri-integrimin e personave nën kujdesin e tyre. Këto institucione duhet të drejtohen gjithmonë nga personel civil, që emërohet në bazë të një procedure transparente dhe konkurruese. Burgjet janë përgjegjëse për ekzekutimin vendimeve penale, ruajtjen e ekuilibrit midis rregullave të sigurisë dhe respektit për të drejtat dhe liritë themelore të personave të privuar nga liria.

Trajnimi i punonjësve për krijimin e një klime të sigurt dhe përdorimin e forcës në institucionin e paraburgimit të Tropojës

15.07.2010

Në datat 6-8 Korrik 2010, Komiteti Shqiptar i Helsinkit (KShH) së bashku me Agjencinë Holandeze të Institucioneve të Korrektimit (AHIK) organizuan një seminar trajnues në institucionin e paraburgimit të Tropojës, për çështjet e përdorimit të forcës dhe krijimit të një klime të sigurt për të personat e privuar nga liria dhe personelin. Pjesëmarrës në këtë seminar ishin punonjës me uniformë si dhe përfaqësues të nivelit të mesëm dhe të lartë drejtues të këtij institucioni. Eksperti ndërkombëtar nga sistemi Holandez i burgjeve, Z. Jan van den Brand solli ekspertizën e tij, si dhe Znj. Edlira Papavangjeli, Menaxhere e Programeve në KShH moderoi dhe kontribuoi gjithashtu në këtë aktivitet.

 Raport për gjendjen e të drejtave të njeriut në Drejtoritë dhe Komisariatet e Policisë, në institucionet e Paraburgimit dhe të ekzekutimit të vendimeve penale

14.07.2010

Monitorimi i respektimit të të drejtave të personave të privuar nga liria ka vite që tërheq vëmendjen e veçantë të KShH-së. Edhe gjatë periudhës tetor 2009 – shkurt 2010 KShH-ja ndërmori një tjetër raund vëzhgimesh për vlerësimin e situatës aktuale në drejtoritë e policisë së qarqeve, institucionet e paraburgimit  dhe institucionet e ekzekutimit të vendimeve penale. Gjatë vëzhgimeve u mbajtën parasysh standardet, të drejtat dhe rregullimet e përcaktuara në legjislacionin kombëtar dhe atë ndërkombëtar.

Në përfundim të këtij raundi vëzhgimesh është hartuar dhe publikuar një raport i detajuar i cili pasqyron progresin dhe problemet e konstatuara në terren gjatë kohës kur janë kryer vëzhgimet, si edhe  ofron sugjerimet përkatëse lidhur sa më sipër. Raporti i plotë mund të gjendet pranë zyrave të KShH-së, si dhe në këtë faqe interneti në të dyja gjuhët, shqip dhe anglisht

Komiteti Shqiptar i Helsinkit realizon konferencën rajonale  “Për mbrojtjen nga diskriminimi”

11.06.2010

Komiteti Shqiptar i Helsinkit (KShH), në datën 4 Qershor 2010, me mbështetjen financiare të Civil Rights Defenders (ish Komiteti Suedez i Helsinkit), organizoi një konferencë rajonale me temë “Për mbrojtjen nga diskriminimi”. Aktiviteti u krye në kuadër të projektit “Rritja e ndërgjegjësimit publik për ligjin e ri për mos-diskriminimin”. Qëllimi i konferencës ishte shkëmbim i përvojave rajonale lidhur me çështjen e diskriminimit, në përgjithësi, dhe  rregullimet ligjore për mbrojtjen nga diskriminimi në veçanti. Strukturat përkatëse për kontrollin e zbatimit të legjislacionit në këtë fushë dhe mbarëvajtja e tyre ishin një tjetër fokus i konferencës.

Akt i rënde ç’njerëzor në dëm të një fëmije

11.06.2010

Komiteti Shqiptar i Helsinkit (KShH) dënon me indinjatë aktin e rëndë ç’njerëzor ndaj një fëmije 6 vjeçar nga qyteti i Peqinit, të përdhunuar nga i akuzuari Armand Doda (i arrestuar). Vepra të tilla që mund të shoqërohen me pasoja të rënda për jetën dhe shëndetin e viktimës, kërkojnë hetim të shpejtë, objektiv dhe të gjithëanshëm, si dhe dënim të ashpër në përputhje me ligjin.

Një akt brutal që duhet ndëshkuar

28.05.2010 

Komiteti Shqiptar i Helsinkit, nëpërmjet mediave, u njoh me nje ngjarje të shëmtuar dhune në dëm të arkitektit, artistit dhe shkrimtarit   Z.Maks Velo.Nga informacioni i ofruar rezulton se ushtrimi i dhunës u krye nga një person që zhvillon veprimtari ndërtuese në Tiranë, i cili nuk është mjaftuar vetëm të dhunojë fizikisht, në mëyrë të paramenduar, Z.Velo por edhe e ka kanosur atë për jetën.