KSHH

TEL/FAX

++355(4)233671

MISIONI I KSHH-së

Misioni kryesor i KSHH-së është vëzhgimi i respektimit të të drejtave dhe lirive të njeriut dhe reagimi për rivënien e tyre në vend, sensibilizimi i shtetasve mbi mbrojtjen e të drejtave dhe lirive të tyre; përmirësimi i legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.
 

KSHH dhe GSHDNJ, shprehin shqetësimin e tyre për vonesën e theksuar për realizimin e reformës zgjedhore 

12.06.2008

Komiteti Shqiptar i Helsinkit (KSHH) dhe Grupi Shqiptar i të Drejtave të Njeriut (GSHDNJ), shprehin shqetësimin e tyre për vonesën e theksuar për realizimin e reformës zgjedhore. Si dy organizata jofitimprurëse të angazhuara në fushën e mbrojtjes të lirive dhe të drejtave të shtetasve në përgjithësi dhe në monitorimin e zgjedhjeve periodike në veçanti, jemi të interesuar që standartet e zgjedhjeve të ardhshme parlamentare të mos dëmtohen si pasojë e kësaj vonese. Nga muaji maj i vitit 2007, u ngrit komisioni i posaçëm për reformën zgjedhore, por tre mandatet e tij përfunduan pa asnjë rezultat. Kjo mendojmë se është rrjedhojë e mosmarrëveshjeve partiake dhe e mungesës së transparencës.

Një sulm i turpshëm dhe tendencioz ndaj veprimtarit të të drejtave të njeriut dhe mbrojtësit të parimeve të shtetit ligjor në Shqipëri

03.06.2008

Në një nga gazetat e përditshme, prej disa ditësh po sulmohet në mënyrë tendencioze një nga veprimtarët e të drejtave të njeriut dhe mbrojtësit e parimeve të shtetit ligjor në Shqipëri, z. Niazi Jaho. Informacionet që serviren janë të pavërteta, shtrembërim i realitetit dhe akuza të qëllimshme. Z. Jaho është anëtar i Komitetit Shqiptar të Helsinkit prej vitit 1995. Jurist në profesion, ai ka patur dhe ka kurajon civile të mbrojë liritë dhe të drejtat e njeriut, është studiues dhe kritik i legjislacionit shqiptar dhe çështjeve të kushtetushmërisë në Shqipëri.

Dhuna ndaj gazetarëve synon mposhtjen e fjalës së lirë

21.05.2008

Sipas njoftimeve të medias, në qytetin e Burrelit ka ndodhur një ngjarje e shëmtuar, brutale dhe e dëmshme. Gjyqtari i Gjykatës së Shkallës së Parë z.Murat Lleshi, para selisë së gjykatës për t’ju shmangur disa sqarimeve që kërkoheshin lidhur me një çështje nga gazetari i “Fiks fare”, z.Ksenofon Ilia së bashku me vëllain e tij me makinën e tyre kanë goditur gazetarin, e kanë përplasur në tokë dhe e kanë zvarritur për disa metra duke i shkaktuar dëmtime në trup dhe sidomos në të dy këmbët. Ndihmën e parë atij i është dhënë në spitalin e qytetit.  

Në rrugën për në integrimin Europian, Shqipëria ka shumë për të bërë  për respektimin e të drejtave të njeriut

Botohet raporti i Komitetit Shqiptar të Helsinkit për të Drejtat e Njeriut në Shqipëri, 2007

Në këtë raport, KShH trajton disa çështje që kanë qënë objekt vëzhgimi, verifikimi ose monitorimi gjatë vitit të kaluar si: aspekte që kanë të bëjnë me funksionimin e shtetit të së drejtës dhe përpjekjet për integrim në Bashkimin Europian dhe NATO, reforma zgjedhore, respektimi i të drejtave të shtetasve në komisariatet e policisë, vendet e paraburgimit dhe burgje, media, aksesi i publikut te drejtësia, minoritetet dhe respektimi i të drejtave të shtetasve shqiptare që kalojnë pikat e kalimit kufitar të Shqipërisë ose që janë kthyer në kuadër të Marreveshjeve të Ripranimit, etj.

RAPORTI I DREJTAVE TË NJERIUT NË SHQIPËRI 2007

Mbështetje e procesit të hartimit të Planit të Veprimit të Qendrës së Trajnimit të Burgjeve 

Më 4 Prill 2008, KSHH-ja së bashku me ekspertët Vesna Babic, dhe Jan van den Brand shqyrtuan variantin paraprak të Planit të Veprimit të Qendrës së Trajnimit të Burgjeve për vitet 2008-2010. Ekspertët ofruan sugjerime konkrete për përmirësimin e Planit në mënyrë që ai të marrë formën e tij përfundimtare dhe të shërbejë si dokument i cili parashikon transformimin e sektorit të trajnimeve në Qendër të mirëfilltë trajnimesh. Pritet që grupi i punës nga DPB-ja të finalizojë Planin e Veprimit dhe ky dokument të shoqërohet me përllogaritje financiare për të bërë të mundur transformimin e dëshiruar.