Njoftim Për Stazh

Komiteti Shqiptar i Helsinkit (KSHH-ja) është një organizatë jo qeveritare që punon në fushën e të drejtave të njeriut.

Në  kuadër të mbështetjes së aktivistëve të rinj të të drejtave të njeriut,  KSHH-ja pranon aplikime për stazh pranë zyrës së KSHH-së.

Profili i aplikantit:  

• Një person i dedikuar dhe punëtor, i interesuar të punojë në fushën e të drejtave të njeriut;

• Student i vitit III në fakultetit e Drejtësisë;

• Vlerësuar me nota të shkëlqyeshme/shumë të mira;

• Preferohen me njohuri në fushën e  të drejtave të njeriut; 

• Të jetë e/i paanshëm, objektiv dhe i papërfshirë në veprimtari politike dhe  në parti;

• Njohuri shumë të mira të gjuhës Angleze, njohuri të gjuhëve të tjera do të ishin pozitive;

• Kërkohen aftësi mjaft të mira për përdorimin e kompjuterit;

• Të ketë aftësi të mira komunikimi në grup  dhe me persona të tretë.

Stazhi:

Stazhi do të bëhet pranë zyrës së Komitetit Shqiptar të Helsinkit në Tiranë.

Aplikuesi:  

• Do të  ndihmojë në mbarëvajtjen e punëve administrative në zyrë;

• Do të presë dhe përcjellë telefonata dhe korrespodencën e zyrës;

• Do të ndihmojë në aktivitetet të cilat do të ndërmerren në kuadër të projekteve që KSHH zbaton;

• Do të ndihmojë në përgatitjen e materialeve të ndryshme të zyrës;

• Do të kontribuojë duke ndjekur nga afër rastet e shkeljes së të drejtave duke punuar pranë Këshilltarit Ligjor;

• Do të kontribuojë në përgatitjen e publikimeve nën mbikqyrjen e personit përgjegjës për publikimet;

• Do të ketë mundësinë e pjesëmarrjes në aktivitete të tjera të KSHH-së.

Kjo do të jetë një mundësi stazhi jo vetëm për të njohur organizatat që punojnë për të drejtat e njeriut, por edhe për të përfituar një përvojë në sektorin e organizatave jo-fitimprurëse.

Deatajet financiare të stazhit:

Stazhi nuk paguhet. Aplikuesi duhet të jetë në gjendje të mbulojë vetë shpenzimet e akomodimit dhe udhëtimit (për persona me banim jashtë Tiranës/Shqipërisë). KSHH do të pajisë aplikuesin me mjetet e nevojshme për të punuar në zyrë dhe do të ndihmojë për procedurat e akomodimit dhe të udhëtimit.

Për mbështetje të veprimtarive të veçanta, KSHH-ja do të  mbulojë shpenzimet  të tij.

Aplikimet:

Dokumentat që nevojiten për të aplikuar për stazh pranë KSHH-së:  

• Një shkresë përcjellëse ku përfshihet edhe arsyeja e aplikimit;

• Curriculum vitae;

• Dokument vërtetues i notave të fakultetit të kryer;

• Dy letra reference me detaje kontakti për personat që i lëshojnë ato.

Të gjithë dokumentat aplikuese duhet të dërgohen në adresën:

Rr. Gjin Bue Shpata, Pll. 5/1, ap. 5, Tiranë ose E-mail address: office@ahc.org.al

Afati i fundit i pranimit të aplikimeve:

Aplikimet pranohen deri me date 20 tetor 2006. Personat që do të përzgjidhen  për intervistë do të njoftohen për ditën dhe orën e intervistës.