KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

 Takim pune me Drejtorin e Përgjithshëm të Burgjeve

16.06.2006

Sot më datë 08.06.2006 KSHH-ja përfaqësuar nga Znj. Edlira Papavangjeli, Koordinatore Programesh dhe Z. Jan van den Brand, Drejtor i Përgjithshëm Rajonal në Hollandë morën takim me Drejtorin e Përgjithshëm të Burgjeve, Z. Saimir Shehrin.

Disa nga çështjet e trajtuara me Z. Shehri ishin: rezultatet e arritura nga sesionet e punës të organizuara në burgun e Lezhës me administratën e burgut dhe të paraburgimit përkatësisht në datat 5-7 Qershor 2006[1].  

Ndërmjet të tjerave në këtë takim përfaqësuesit e KSHH-së përgëzuan punën e bërë nga administrata e burgut të Lezhës në lidhje me anketimin e bërë të dënuarve lidhur me interesimin e tyre për punësimin e tyre të mundshëm në këtë institucion si edhe gjithë masat e marra për mundësinë e punësimit të të dënuarve. Gjithashtu, përfaqësuesit e KSHH-së vlerësuan atmosferën pozitive që ndjehej në burgun e Lezhës nga një takim i drejtpërdrejt që këta të fundit morën me të dëniuar dhe të paraburgosurit.

Në të njëjtën kohë Z. Van den Brand vuri në dukje faktin se në këtë burg mbahen 4 të mitur në sektorin e paraburgimit dhe megjithëse u konstatua se të miturve u ishin krijuar hapësira të veçanta dhe program ditor i veçantë të ndryshëm nga të rriturit, u theksua se mund të shikohej mundësia që të miturit të akomodoheshin në institucione me sektorë vetëm për të miturit. Z. Shehri do ta ndjekë këte çështje më tutje dhe do ta vlerësojë atë maksimalisht për të marrë masat e duhura në bazë të dispozitave ligjore.

Gjithashtu, Z. Van den Brand transmetoi shqetësimin e ngritur nga disa punonjës për krijimin e lehtësirave kur ata transferohen për  të punuar larg nga vendi i tyre i banimit. Edhe për këtë shqetësim të ngritur, Z. Shehri premtoi ta vlerësojë këtë shqetësim.

Një tjetër çështje shumë e rëndësishme ku u përqëndrua ky takim ishte edhe paraqitja nga ana e KSHH-së e planeve për bashkëpunime të ardhshme në fushën e trajnimeve të administratës së burgjeve në të tre nivelet e drejtimit: bazë, të mesëm dhe të lartë në burgjet shqitare, ndërhyrje dhe vëmendje e veçantë për Qendrën e trajnimit të Burgjeve si edhe mbështetje konkrete, trajnime dhe këshillime për administratën e re të dy burgjeve që së shpejti do të hapen në Fushë Krujë dhe Korçë. Z. Shehri shprehu interesimin e tij dhe të institucionit të tij dhe konfirmoi KSHH-në se këto veprimtari janë më se të domosdoshme dhe përkojnë plotësisht me përparësitë e vendosura nga DPB-ja në këtë fushë. Z. Shehri shprehu gjithashtu, vendosmërinë për të bashkëpunuar si partnerë të denjë në gjithë këtë proces për të garantuar vazhdimësinë e tyre pasi ky projekt të përfundojë. Së shpejti edhe nj;e marrëveshje bashkëpunimi do të finalizohet për të institutcionalizuar këtë bashkëpunim të mundshëm.