Promovimi dhe respektimi më i mirë të të drejtave të minoriteteve në nivel vendor në Shqipëri

08.07.2007 

Komiteti Shqiptar i Helsinkit është organizata e parë jo-qeveritare e cila është themeluar më 19 Dhjetor 1990 si Forumi për Mbrojtjen e Lirive dhe të Drejtave Themelore të Njeriut. Më 22 mars 1992, organizata u anëtarësua pranë Federatës Ndërkombëtare të Helsinkit për të Drejtat e Njeriut me emërtimin Komiteti Shqiptar i Helsinkit. Misioni kryesor i KShH-së është vëzhgimi i respektimit të të drejtave dhe lirive të njeriut, rivendosja e të drejtave të shkelura, ndërgjegjësimi i shtetasve për mbrojtjen e të drejtave dhe lirive të tyre dhe përmirësimi i legjislacionit dhe i praktikës për zbatimin e ligjit nëpërmjet oponencave dhe rekomandimeve. Pjesë e këtij misioni është, gjithashtu, edhe rritja e përgjegjshmërisë së administratës publike në zbatimin me korrektësi të ligjit nëpërmjet rritjes së kapaciteteve të kësaj administrate.

Mbrojtja dhe promovimi i të drejtave të minoriteteve në Shqipëri ka qënë dhe mbetet një ndër drejtimet kryesore të veprimtarisë së Komitetit Shqiptar të Helsinkit që prej krijimit të saj.

Për të garantuar një zbatim më të mirë të legjislacionit vendas dhe ndërkombëtar, si edhe të rekomandimeve të ndërkombëtare për përmirësimin e respektimit të të drejtave të minoriteteve në përgjithësi, dhe atij Rom dhe komunitet egjyptian në veçanti, KSHH ka filluar zbatimin e projektit “Rritja e rolit të shoqërisë civile dhe institucioneve shtetërore në promovimin dhe respektimin më të mirë të të drejtave të minoriteteve”. Objektivi kryesor i projektit është të monitorojë aksesin e minitoriteve në administratën vendore dhe të kontribuojë në  hartimin e  politikave lokale të zhvillimit në interes edhe të minoriteve dhe komuniteteve në nevojë. 

Pjesë e rëndësishme e projektit janë vëzhgimi i masave të marra në nivel vendor në qytetet Tiranë, Fier, Elbasan dhe Gjirokastër për rritjen e akesesit të përfaqësuesev të minoriteteve në qeverisjen vendore dhe vendimarrje..

Për zbatimin e tij, KSHH do të bashkëpunojë  ngushtë me organet e qeverisjes vendore në bashkitë përkatëse. Gjithëpërfshirja e qytetarëve të bashkive në përgjithësi dhe e përfaqësuesve të minoriteteve në veçanti do të jetë element i rëndësishëm për një vlerësim sa më objektiv të gjendjes së të drejtave të minoriteteve në nivel vendor.

Gjithashtu, për të  forcuar rolin e organizatave të minoritetit,  KShH-ja do të bashkëpunojë me organizatat Rome dhe Egjyptiane për lobuar për përmirësimin e respektimit të të drejtave të tyre.

Një element  i rëndësishëm në projekt, është të kontribuojmë për përmirësimin e kuadrit ligjor dhe nënligjor

shqiptar në përputhje me standardet ndërkombëtare.

KSHH-ja beson se bashkëpunimi dhe koordinimi i frytshëm i përpjekjeve të aktorëve të shoqërisë civile, institucioneve shtetërore dhe organeve të qeverisjes vendore do të jetë kontribut i vlefshëm për përmirësimin e respektimit të të drejtave të minoriteteve në Shqipëri dhe rritjes e pjesëmarrjes së tyre në administratën publike dhe vendimarrje.