Të drejtat e emigrantëve shqiptarë në Greqi nën fokusin e KSHH-së.

Organizatat e emigrantëvë kanë nevojë të forcojnë kapacitetet e tyre të  brendshme

Në datat 27-30 Maj 2007, përfaqësues të KSHH-së realizuan një vizitë në Athinë. Qëllimi kryesor i vizitës ishte vendosja e kontakteve me organizatat e emigrantëve shqiptarë në Greqi, identifikimi problemeve që kishin të bënin me respektimin e të drejtave të tyre dhe takimi me organizata të pavarura greke dhe Monitoruesin Grek të Helsinkit dhe institucionet kushtetuese që  punojnë në fushën e të drejtave të njeriut.

Përfaqësuesit e KSHH-së realizuan takime me përfaqësues të organizatave të  emigrantëve shqiptarë në Athinë, Ambasadën Shqiptare në Athinë, të Avokatit të  Popullit Grek dhe përfaqësuesit e medias greke dhe shqiptare në Athinë.

Pjesë e rëndësishme e vizitës ishte takimi me Z. Panayote Dimitras, zëdhënës i  Monitoruesit Grek i Helsinkit me të cilin e bisedua rastet konkrete të shqiptarev të trajtuara nga kjo organizatë dhe mundësitë e bashkëpunimit në të ardhmen, ndjekja e rasteve të keqtrajtimit të emigrantëve shqiptarë, etj.

Nga takimet e marra, rezultoi se :

1.      Në përgjithësi ka përmirësime në respektimin e të drejtave të emigrantëve shqiptarë në Greqi. Megjithatë, emigrantët e kontaktuar ngritën shqetësimin e legalizimeve dhe lejes së qëndrimit të tyre, Sipas tyre, procedurat ishin të tejzgjatura dhe shumë të shtrenjta dhe të ndodhur në këtë gjendje, emigrantët nuk kishin mundësi lëvizjeje për në Shqipëri. 

2.      Problem i diskutuar nga ana e përfaqësuesve të KSHH-së ishte respektimi i të drejtave të personave që  vuajnë dënimin me burgim në burgjet e Greqisë. Ky shqetësim u ngrit nga KSHH nisur nga ankesat e shumta adresuar pranë tij. 

3.      Nga takimet me përfaqësues të organizatave të emigrantëve  mësuan se në  Greqi janë krijuar disa organizata të emigrantëve shqiptarë.  Vihej re se kishte një mungesë koordinimi dhe bashkëpunimi ndërmjet tyre. Si pasojë, nuk kishte një përfaqësi unike e emigrantëve shqiptarë në kontakt me institucionet greke.

4.      Organizatat e emigrantëve vepronin mbi baza vullnetare për shkak të mungesës së kapaciteteve për aplikim projektesh. KSHH nuk pati kontakte me ndonjë organizatë shqiptare e cila kishte mundësinë e aplikimit për projekte, megjithëse ato ishin të regjistruara sipas legjislacionit në fuqi.

Vizita e përfaqësuesve të KSHH-së  krijoi mundësi për vendosje të kontakteve  me organizatat e emigrantëve shqiptarë , për rritjen e  bashkëpunimit me  Monitoruesin Grek të Helsinkit KSHH vendosi kontakte të drejtpërdrejta me Avokatin Grek të Popullit dhe do të adresojë raste konkrete pranë tij.  Gjithashtu, takime dhe intervista për problemet e të drejtave të njeriut u dhanë edhe në median shqiptare dhe greke nw Athinw.

Me këtë rast, KSHH-ja përfton nga rasti të falenderojë të gjithë përfaqësuesit e organizatave të emigrantëve në Athinë, përfaqësuesit e Amabasadës sonë, gratë dhe intelektualet me të cilët patëm takime, përfaqësuesit e institucionit të Avokatit të Popullit në Greqi dhe në Shqipëri dhe përfaqësuesit e medias në Greqi për takimet frytëdhënëse dhe mirëkuptimin e treguar në tarjtimin e problemeve të  ndryshme.