1. Cila eshte kerkesa e Komitetit Shqiptar te Helsinkit ne lidhje me sezonin e provimeve te studenteve qe perkon ne zgjedhjet?

Në një letër të drejtuar rektorëve të universiteteve shtetërore, rektorëve të universiteteve private në Tiranë dhe z. Genc Pollo, Ministër i Arsimit dhe e Shkencave, më datën 18 janar 2007, Komiteti Shqiptar i Helsinkit bëri me dije se sipas ndryshimeve që i janë bërë Kodit Zgjedhor me ligjin Nr. 9676 datë 13.01.2007, janë shfuqizuar të gjitha dispozitat ku bëhet fjalë për Regjistrin e përkohshëm dhe si rrjedhim edhe për hartimin e listave me zgjedhës me vendqëndrim të përkohshëm. Për pasojë studentët e rretheve që studiojnë pranë fakulteteve që nuk ndodhen në zonën ku ata kanë gjendjen civile nuk mund të votojnë. Ata kanë të drejtë të votojnë vetëm në  njesinë ku  kanë rregjistrim themeltar të gjendjës civile

 Me anë të letrës së mësipërme iu kërkua rektorëve dhe dekanëve që të krijonin mundësinë që në periudhën 16 – 19 shkurt 2007 të mos caktohen provime ose detyrime të tjera mësimore, në mënyrë që studentët të votojnë në vëndet e tyre të banimit, atje ku kanë Regjistrin themeltar të banimit në zyrat përkatëse të gjëndjes civile.

 2. Arsyeja e kesaj kerkese dhe pergjigja qe keni marre nga universitetet apo fakultetet?

Kërkesa jonë synon t’i mundësojë studentëve të drejtën e votimit të tyre që është një e drejtë e rëndësishme  e cila nuk mund të mos ushtrohet për shkak të çështjeve teknike të cilat janë lehtësisht të kapërcyeshme. Nga ana tjetër, me sa informacion kemi ne,  një pjesë e madhe e studentëve nuk janë në dijeni të këtij ndryshimi. Ka prej tyre që edhe kur e  mësuan një gjë të tillë, mendojnë se sezoni i provimeve në disa fakultete nuk i jep mundësi “kohore” atyre  të udhëtojnë drejt qyteteve të tyre vetëm për të votuar. Ndaj është  e nevojshme që krahas masave  lehetësuese që duhen të marrin fakultetet, edhe vetë studentët duhet të sensibilizohen që të ushtrojnë të drejtën e votës së tyre e cila ka rëndësi, pasi ata do të votojnë për kryetarin e bashkisë ose komunës që do të merret me trajtimin dhe menaxhimin e problemeve të zonës ku ata vetë do të banojnë ose ku familjarët dhe të afërmit e tyre jetojmë dhe punojnë. Deri tani nuk kemi marrë ndonjë përgjigje nga universitetet.