Komiteti Shqiptar i Helsinkit ftohet të marrë pjesë në auditoriumin e BBC-së

27.01.2007

Ditën e shtunë, datë 27 janar 2007,  Vasilika Hysi, drejtore ekzekutive e KSHh-së ishte e ftuar në emisionin “Auditorium”.

Në këtë emision ishin ftuar edhe Z. Dashamir Shehi, kryetar i LSHK-së, Pandeli Majko, Sekretar i Përgjithshëm i PS-së, Prof.dr. Nikoleta Mita, pedagoge në Fakultetin e Shkencave Sociale dhe Z. Shpëtim Nazarko botues i gazetës “ABC”. 

Çështjet e trajtuara  ishin zgjedhjet, fushata zgjedhore dhe kriza energjitike.

Pyetjeve të panelit rreth klimës konfliktuale mes partive politike dhe faktit q ënë fushata më shumë  bëhen akuza sesa parashtrohen alternativa,  V. Hysi iu përgjigj se  kjo gjendje është rrjedhojë e pjekurisë së klasës politike, të nivelit të zhvillimit të demokracisë  dhe të faktit se vetë votuesit nuk kërkojnë tek klasa politike alternativat e qeverisjes. Në këtë debat publik u theksua nevoja e rritjes së presionit  të shoqërisë civile dhe të aktorëve të tjerë ndaj klasës politike në vend.

Një çështje tjetër që u diskutua ishte transparenca në financimet e fushatës elektorale të forcave polike. Panelistët, mes tyre edhe V. Hysi ishin te mendimit se nuk ka transparencë  lidhur me financimet e fushatave elektorale, ndonëse ekziston një detyrim ligjor.

Përsa i përket krizës energjitike,  KSHH-ja  shprehu  mendimin se ndër të tjera reformat politiek në këto vite tranzicioni kanë cënuar emnaxhimin e KESH dhe përveç mungesës së strategjive ka edhe  një nën vlerëftësim të ekspertëve të fushës nga klasa politike. Një situatë e tillë është me pasoja lidhur me respektimin e të drejtave më elementare të shtetasve nga shteti

Për më shumë  lexoni ne faqen www.bbcworldservice.com