Seminar ndërgjegjësues me të rinj

në kuadër të Ditës ndërkombëtare për të drejtat e fëmijës [1]

20.11.2006

Në kuadër të ditës ndërkombëtare të të drejtave të fëmijëve dhe në kuadër të përvjetorit të Konventës “Për të drejtat e fëmijës”, Komiteti Shqiptar i Helsinkit, në datën 20 nëntor 2006 zhvilloi tre seminare me nxënës të shkollave të mesme dhe tetëvjecare në rrethet Korçë, Fier dhe Vlorë.

Qëllimi i seminareve ishte informimi dhe ndërgjegjësimi më i mirë e të miturve për të drejtat e tyre dhe nxitja e pjesëmarrjes së të rinjve në inisiativa të përbashkëta për respektimin e të drejtave të tyre në të gjithat mjediset ku ata jetojmë dhe mësojnë.

Pas një paraqitje njohëse të veprimtarisë së KShH-së në mbrojtje të të drejtave të shtetasve në përgjithësi dhe të miturve në veçanti, të punës së  koorrespondentit të KShH-së në rrethin përkatës dhe të objektivave të projektit “Respektimi i të drejtave të fëmijëve – detyrim për të gjithë”, ekspertët[2] trajtuan të drejtat e fëmijëve sipas legjislacionit shqiptar, të drejtat e të miturit- autor i veprave penale, të miturit- viktimë të një krimi, dhe të drejtat e të miturit-i dëshmitar në një vepër penale.

Me shumë interes u trajtuan çështje që kanë të bëjnë më trajtimin e të rinjve nga policia, dhuna ndaj fëmijëve në familje dhe në shkollë. Gjatë seminarit pjesëmarësit drejtuan shumë pyetje për problemet që i shqetësojnë ata në shkollë dhe në mjedisin ku jetojnë dhe mësojnë.

Veprimtaritë e mësipërme shërbyen edhe si një mundësi për të paraitur përfundimet kryesore të dala nga studimi i vendimeve gjyësore ndaj të miturve, të dhëna nga gjykatat ne rrethin përkatës gjatë vitit 2005 dhe ½ të 2006.

Në seminare morën pjesë nxënës të shkollave të mesme dhe tetëvjeçare, mësues dhe përfaqësues vendore të shoqërisë civile të këtyre rretheve, të parlamentit rinor, korrespondentët sipas rrethit, ekspertët e ftuar dhe përfaqësues nga stafi i KShH-së.Seminaret u vlerësuan si nga të rinjtë edhe nga mësuesit e pjesëmarrësit e tjerë.

Gjithashtu, KShH i dhuroi bibliotekave të shkollave “Jani Minga” në Vlorë, shkolla jopublike “Flatrat e dijes” në Fier dhe “Tefta Tashko” në Korçë një set me publikime ne fushën e të drejtave të fëmijëve me qëllim pasurimin e bibliotekave të shkollave përkatëse.