Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Bashkëekzistenca dhe toleranca ndaj njëri tjetrit –

Faktor i rëndësishëm për një shoqëri më të civilizuar

Prej 40 vjetësh 21 Marsi[1] është përcaktuar si dita ndërkombëtare kundër diskriminimit në përgjithësi dhe diskriminimit racial në veçanti. Rrjeti Europian kundër diskriminimit për shkak të racës, kombësisë, fashizmit dhe në mbështetje të emigrantëve dhe refugjatëve[e shpalli javën 20 – 26 Mars si javën kundër diskriminimit me moton “Ngri zërin – Kundër Racizmit”.

Kësaj fushate ndërkombëtare iu bashkua dhe Komiteti Shqiptar i Helsinkit për sensibilizimin e publikut dhe institucioneve shtetërore lidhur me luftën që duhet bërë kundër diskriminimit në përgjithësi dhe atij racial në veçanti.

Në kuadër të kësaj jave, KShHndërmori një sërë aktivitetesh për sensibilizimin e brezit të ri dhe vënien në dukje të këtyre fenomeneve negative për minimizimin e tyre.

KShH organizoi aktivitete sensibilizuese[4] në dy shkolla të Tiranës, në shkollën tetevjeçare “Bajram Curri” si dhe në shkollën e mesme të përgjithshme “Petro Nini Luarasi”. Në të dy shkollat u zhvillua një konkurs për krijimin më të mirë në prozë, poezi dhe pikturë me moton “Të gjithë të ndryshëm, të gjithë të barabartë”. Për vlerësimin e këtyre krijimeve u ngrit dhe një juri me emra të mirënjohur në fushën e artit, z.Dhimitër Xhuvani dhe z.Xhevahir Spahiu. Për krijimet më të mira u dhuruan nga KShH libra artistikë nga autorë të mirënjohur shqiptarë.

Në këto shkolla u mbajt një seminar me temë “Të gjithë të ndryshëm, të gjithë të barabartë”, ku u trajtuan çështje të diskriminimit në përgjithësi, të drejtat e fëmijëve dhe rastet e diskriminimit të tyre, të drejtat e minoriteteve, kryesisht minoritetit rom dhe komunitetit egjyptian në veçanti, probleme të diskriminimit kundrejt tyre, paraqitja e disa rezultateve të raportit të KShH-së lidhur me arsimin e minoritetit rom, trashëgiminë kulturore, etj.

Gjithashtu KShH u dhuroi bibliotekave të këtyre shkollave disa nga publikimet më të fundit të tij.

Në kuadër të javës antidiskriminim, KShH organizoi dhe një seminar në auditorin e Fakultetit të Drejtësisë[5] me studentë të Drejtësisë dhe të Shkencave Sociale. Në këtë seminar u trajtuan çështje të diskriminimit të parë nga këndvështrimi i Konventës Europiane, çështje të diskriminimit në punë objekt i të cilit u bë dhe në kërkesën e dërguar në Gjykatën Kushtetuese[6] për rrëzimin e vendimeve të Këshillit të Ministrave lidhur me shmangien e nepotizmit në administratën publike.

Në këto seminare u dhanë një sërë publikimesh të KShH-së për të drejtat e njeriut si dhe u dhuruan një sërë publikimesh të KShH-së për pasurimin e bibliotekave të shkollave dhe fakultetit ku u zhvilluan seminaret.

Gjatë javës, aktivitetet kundër diskriminimit vazhduan me një shkrim në gazetën e përditshme Telegraf[7], ku paraqiteshin disa nga përfundimet e studitimit të KShH-së lidhur me gjëndjen e minoritetit rom në Shqipëri. Në këtë shkrim minoriteti rom u pa në disa këndvështrime, lidhur me zbatimin e strategjisë për romët nga ana e shtetit Shqiptar, situata arsimore e tyre, familja, kultura dhe tradita, integrimi i rinisë në shoqërinë shqiptare, aktivitetet sportive, roli i medias, etj.

Ky shkrim u pasua nga një buletin special i KShH-së në të cilën u paraqitën rezultatet e punës të disa studentëve të cilët në mënyrë vullnetare ndërmorën misione vëzhgimi dhe takime me përfaqësues të minoritetit rom. Ata shprehën mendimet dhe përfundimet e këtyre vëzhgimeve për bashkëqytetarët e tyre në ese dhe miniraporte me problematika të caktuara.

KShH si një organizatë për mbrojtjen dhe respektimin e të drejtave të njeriut do të japi gjithmonë kontributin e tij për përmirësimin e situatës të të drejtave të njeriut në Shqipëri dhe kryesisht për mosdiskriminimin e kategorive të caktuara njerëzish.

KShH do të donte të falenderonte Drejtorinë Arsimore të rrethit të Tiranës, drejtoritë e shkollave si dhe Dekanatin e Fakultetit të Drejtësisë për mundësinë që na dhanë për të bashkëpunuar në formimin dhe ngritjen e dijeve të brezit të ri.