Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Raport lidhur me

Përmirësimin e Qendrës së Trajnimeve të Administratës së Burgjeve në Shqipëri

Në datën 7 Prill 2006, në ambjentet e burgut të Vaqarrit, Komiteti Shqiptar i Helsinkit organizoi një sesion pune me Qendrën e Trajnimeve të administratës së burgjeve. Kjo inisiativë është ndërmarrë në kuadër të mbështetjes që KSHH po realizon për rritjen e kapaciteteve të administratës së burgjeve. Pjesëmarrës në këtë sesion pune ishte eksperti Z. Jan van den Brand, Drejtor i Përgjithshëm i Burgjeve në Hollandë. KSHH në këtë aktivitet u përfaqësua nga Znj. Edlira Papavangjeli, Kordinatore Programesh. Pjesëmarrës në këtë sesion pune ishte i gjithë stafi i Qendrës së Trajnimit të Administratës së Burgjeve.

Qëllimi i këtij aktiviteti ishte për të nxitur diskutimet për zhvillimin dhe përmirësimin e mëtejshëm të statusit aktual, strukturës dhe kurikulës së kësaj Qendre Trajnimi përmes përmbledhjes së informacioneve dhe duke iu referuar modeleve të ofruara nga vendet e tjera në këtë drejtim. Përfaqësuesit e Qendrës së Trajnimit prezantuan një vështrim të përgjithshëm detajues lidhur me të kaluarën historike të qendrës, statusin e saj nga viti 1997 deri në ditët e sotme, strukturën e saj si edhe kurset e trajnimit që realizohen si për stafin me uniformë ashtu edhe për stafin civil të burgjeve. Gjithashtu, ata prezantuan dhe kurikulat përkatëse të trajnimit që i ofrohen aktualisht administratës së burgjeve në përgjithësi. Përfaqësuesit e Qendrës së Trajnimit prezantuan nevojat dhe sfidat e tyre përsa i përket statusit, strukturës së kësaj qendre dhe kurikulave të trajnimit.

Eksperti Jan van den Brand i prezantoi pjesëmarrësve në këtë sesion pune një vështrim gjithpërfshirës lidhur me statusin dhe detyrat e Qendrës së Trajnimit në Hollandë, zhvillimet e saj dhe situatën aktuale të kurikulave të moduleve kryesore të trajnimit për punonjësit e burgjeve si edhe të trajnimeve të tjera shtesë profesionale për kurset e nivelit të mesëm dhe të lartë menaxhues të stafit me uniformë dhe stafit civil të burgjeve. Eksperti i ofroi pjesëmarrësve rekomandimet dhe sugjerimet e tij për përmirësimin e statusit të Qendrës shqiptare të Trajnimit të Administratës së Burgjeve. Pjesëmarrësit u njohën me modelet kryesore të trajnimeve bazë të cilat mund të ndihmojnë menaxhuesit e nivelit të lartë të kësaj qendre trajnimi në përpjekjet e tyre për përmirësimin e mëtejshëm të kësaj qendre. Krahas kësaj, eksperti gjithashtu theksoi në lidhje me kurset profesionale të trajnimit, se procedura e përgjithshme e rekrutimit të paktën për stafin me uniformë të jetë në kompetencë të Qendrës Kombëtare të Trajnimit. Gjithashtu, ai tregoi se cilat ishin aktivitetet më relevante lidhur me procedurën e rekrutimit të stafit dhe rekomandoi se Drejtoria e Përgjithshme e Burgjeve duhet t’ia kalonte detyrën e rekrutimit Qendrës së Trajnimit. Në muajt në vijim një vazhdimësi e këtij misioni për të zhvilluar në mënyrë më konkrete dhe gjithpërfshirëse kurikulat e kësaj qendre trajnimi është pjesë e një palni ndërkombëtar. Eksperti Jan van den Brand rekomandoi se Qendra e Trajnimit e Administratës së Burgjeve duhet të nisë punën me hartimin e një plani strategjik të paktën për 3 vjet ku të përcaktohen hapat e zhvillimit të kësaj qendre për këtë periudhë kohore.

Komiteti Shqiptar të Helsinkit  siguron anonimatin deri në momentin kur, vetë personi ankues kërkon të bëjë publike të dhënat e tij

Në rast se mendoni se të drejtat tuaja shkelen nga policia, administrata e burgjeve ose struktura të tjera NA TELEFONONI

... i plote

Prill-Qershor 2008

Janar-Mars 2008

Tetor - Dhjetor 2007

Korrik - Shtator 2007

Prill-Qershor 2007

KSHH © Copyright 2002, All Rights Reserved.

KOMITETI SHQIPTAR I HELSINKIT, 

Adresa: Rr. Gjin Bue Shpata, Pll. 5/1, Ap. 4, Tirana, Albania   P.O.Box / Kutia Postare No.1752  

 Tel/Fax: +355 (0) 4 233671 E-mail: office@ahc.org.al  web address: www.ahc.org.al