Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Mision vëzhgimi për respektimin e të drejtave të të dënuarve në spitalin e burgut

Në datën 13 Tetor 2005, KShH kreu një mision vëzhgimi në Spitalin e Burgut në Tiranë. Me qëllim verifikimin e disa problemeve të konstatuara dhe për të parë zbatimin e rekomandimeve lidhur me trajtimin e personave të moshuar dhe sëmundje të pashërueshme.

Nga takimet dhe verifikimet rezultoi se në spitalin e burgut ishin marrë një konsideratë një sërë rekomandimesh të KShH-së, si: emërimi i një psikologu, rritja e numrit të kujdestarëve, transferimi i nënave me fëmijë instuitucionin nr. 325, etj.

Megjithatë ende nuk është zgjidhur transferimi i të dënuarve, të sëmurë mendorë në institucione të specializuara, përmirësimi i kushteve të jetesës në këtë institucion si dhe problemi i të të sëmurëve stacionarë.

 Në datën 24 Tetor 2005, në bazë të sinjalizimeve nga media e shkruar, KshH-ja realizoi një mision verifikimi në burgun Nr. 302 në Tiranë lidhur me rastin e tentativës për vetvrasje të një të dënuari për shkak të mohimit të ushtrimit të riteve fetare. Pas verifikimve, kontaktimit me  personin dhe me drejtuesin e institucionit konstatoi se problemi ishte vonesa në marrjen formë të prerë të vendimit gjyqësor nga ana e Gjykatës së Apelit e cila shkaktonte mbajtjen padrejtësisht të personave në paraburgim.

Në datën 10 Nëntor 2006, në bazë të një sinjalizimi të marrë, KShH realizoi një mision verifikimi në burgun e Lezhës rreth një incidenti të dhunshëm të ndodhur ndërmjet disa të dënuarve të këtij institucioni dhe personelit të shërbimit. U morën kontakte të drejtpërdrejta me të dënuarit e përfshirë në ngjarje dhe me drejtorin e institucionin dhe personelin e burgut. Për normalizmin e situatës dhe rivendosjen e qetësisë në burg krahas drejtorisë së institucionit kishte ndërhyrë dhe Drejtoria e Përgjithshme e Burgjeve e cila kishte marrë masat konkrete.

Nga kontaktet e marra në këtë institucion, KShH-ja konstatoi edhe probleme të tjera si: mungesa e theksuar e energjisë elektrike, mungesa e ujit, gjendja shumë e keqe e tualeteve dhe e dusheve të cilat ndikonin në kushtet higjeno-sanitare të burgut dhe në veçanti të të dënuarve.

Në datën 24 Nëntor 2005, për verifikimin e grevës tre-ditore të urisë së disa të dënuarve në burgun nr. 302, KShH ndërmori një verifikim në këtë institucion. Nga takimet me të dënuarit e përfshirë në grevën e urisë si edhe me drejtuesit e këtij institucioni rezultoi se shkaqet kryesore të saj ishin përmirësimi i kushteve të jetesës në burg, kërkesa për komunikime me të shpeshta me familjarët e tyre si edhe zgjerimi i të drejtave të tyre në një nivel të barabartë me të drejtat e të dënuarve.

Të paraburgosurit ankoheshin për zvarritje të proceseve gjyqësore, mosbesim ndaj avokatëve të caktuar kryesisht si edhe për vonesat në ekzekutimin e vendimeve gjyqësore të formës së prerë e cila shkaktonte vonesa në transferimin e të dënuarve në burgje.

Në datën 24 Nëntor 2005, në bazë të një numri të konsiderueshëm ankesash nga të dënuar, KShH kreu një mision verifikimi në burgun e Peqinit. Këto ankesa vinin nga një grup personash të dënuar nga gjykatat greke dhe që tashmë vuajnë dënimin në burgun e Peqinit. Nga takimet me të dënuar rezultoi se objekt i përbashkët i ankesave të tyre ishte kërkesa për të njohur uljen e dënimit sipas kushteve ligjore, kërkesat për lirim para kohe me kusht dhe denoncimi i korrupsionit dhe abuzimit me ligjin nga gjykatat shqiptare.

Për këtë qëllim, KShH-ja i drejtoi një letër Minsitrit të Drejtëssië, Avokatit të Popullit dhe Zyrës për Mbrojtjen e Qytetarëve për përmirësimin e situatës.

Në datën 23 Dhjetor 2005, KShH në bazë të disa sinjalizimeve telefonike ndërmori një mision verifikimi në burgun e Peqinit, objekt i së cilës ishte pretendimi për keqtrajtimin e disa të dënuarve të këtij institucioni nga ana e personelit të shërbimit. Pavarësisht nga masat e marra, KShH-ja nuk arriti të kryente verifikimin e pretendimeve të të dënuarve për arsye sigurie, meqënëse situata në rregjim ishte mjaft konfliktuale sipas të dhënave të marra nga drejtuesit e burgut të Peqinit.

KShH i drejtoi një letër Ministrisë së Drejtësisë dhe Drejtorisë së Përgjithshme të Burgjeve për verifikimin e situatës konkrete dhe për marrjen e masave të nevojshme. KShH sinjalizoi dhe Avokatin e Popullit për verifikimin e rastit konkret.

Komiteti Shqiptar të Helsinkit  siguron anonimatin deri në momentin kur, vetë personi ankues kërkon të bëjë publike të dhënat e tij

Në rast se mendoni se të drejtat tuaja shkelen nga policia, administrata e burgjeve ose struktura të tjera NA TELEFONONI

... i plote

Prill-Qershor 2008

Janar-Mars 2008

Tetor - Dhjetor 2007

Korrik - Shtator 2007

Prill-Qershor 2007

KSHH © Copyright 2002, All Rights Reserved.

KOMITETI SHQIPTAR I HELSINKIT, 

Adresa: Rr. Gjin Bue Shpata, Pll. 5/1, Ap. 4, Tirana, Albania   P.O.Box / Kutia Postare No.1752  

 Tel/Fax: +355 (0) 4 233671 E-mail: office@ahc.org.al  web address: www.ahc.org.al