|
Takimet këshillimore
Në
kuadër të përmirësimit të respektimit të të drejtave të të dënuarve dhe rritjen
e efektivitetit të personelit të burgjeve në këtë fushë, Komiteti Shqiptar i
Helsinkit, gjatë muajve Nëntor Dhjetor 2005, realizoi disa takime këshillimore
me të dënuar që vuajnë dënimin në disa institucioneve të vuajtjes së dënimit si
atë të Rrogozhinës, Peqinit, Kosovës, Lezhës,
Burrelit dhe të Tepelenës.
Qëllimi i takimeve këshillimore ishte dhënia e konsulencës ligjore falas dhe
njohja e të dënuarve me të drejtat dhe detyrat e tyre të përcaktuara në ligj.
Takimet u realizuan nga një grup juristësh të KSHH-së me përvojë të gjatë në
fushën penale.
Temat
ligjore të trajtuara me të dënuarit u përzgjodhën në bazë të nevojave paraprake
të tyre të paraqitura nga personeli i këtyre institucioneve si edhe të kërkesave
të vetë të dënuarve. Ndihma ligjore u dha në grup dhe në mënyrë individuale.
Fillimisht, grupi i juristëve kontaktoi me drejtues të insjtitucioneve me qëllim
prezantimin e qëllimit të takimeve dhe krijimin e lehtësirave.
Në
përfundim të takimeve këshillimore, Komiteti Shqiptar i Helsinkit ka dërguar
disa rekomandime dhe sugjerime konkrete Ministrisë së Drejtësisë, Drejtorisë së
Përgjithshme të Burgjeve si edhe Dhomës Kombëtare të Avokatisë lidhur me
përmirësimin e situatës së të drejtave të të dënuarve në drejtim të përmirësimit
të kushteve të jetesës në këto burgje, përmirësimit të legjislacionit përkatës
dhe praktikës si edhe ngritjes së kapaciteteve profesionale në administratës në
këto institucione. |
