KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Aktivitet në kuadër të 10 Majit, Ditës Kombëtare të Drejtësisë

KSHH organizoi disa veprimtari me rastin e 10 majit, Ditës Kombëtare të Drejtësisë.  Një ndër to është aktiviteti i organizuar në Gjykatën e Tiranës. Më datë 10 maj 2002, nxënës të shkollave të mesme të Tiranës dhe mësues të tyre morën pjesë një takim, në të cilin përfaqësues të policisë, gjyqtarë, juristë, pedagogë të Fakultetit të Drejtësisë bashkëbiseduan për sistemin e drejtësisë, funksionimin e saj, raportet e të rinjve me gjykatat. Të rinjtë u interesuan për probleme të tilla si: puna e policisë në parandalimin e krimit, të drejtat e të rinjve në gjykatë, trajtimi i të miturve në vendet e vuajtjes së dënimit.

Përveç anëtarëve të Komitetit, në këtë takim morën pjesë përfaqësues të policisë dhe të gjykatave. Z. Erik Esbjornson, përfaqësues i Komitetit Suedez të Helsinkit ishte i pranishëm në këtë aktivitet dhe iu përgjigj pyetjeve të nxënësve.

Gjithashtu, në kuadër të kësaj ditë, u realizua një emision për të rinjtë pranë Radio Tiranës. Nëpërmjet programit u arrit që dëgjuesit në përgjithësi dhe të rinjtë në veçanti të informohen për Ditën Kombëtare të Drejtësisë, historikun e funksionimin të sistemit të drejtësisë në Shqipëri dhe problemet e saj.

3.      Shkollë dy ditore verore me fëmijë të zonës së Yzberishtit

Më datat 25-26 Korrik 2002 në shkollën e mesme të bashkuar  “Yzberisht”, u organizua një shkollë verore në të cilën morën pjesë 50 fëmijë, kryesisht të grupmoshës 14-16 vjeç. Qëllimi i shkollës verore ishte informimi i të rinjve me ligjin, nxitja e komunitetit të të rinjve në zgjidhjen e problemeve të tyre dhë në zonën ku ata banojnë.

Mësues të shkollave të mesme të Tiranës, të trajnuar më parë nga KSHH si dhe punonjës të policisë së zonës ku ndodhet shkolla, trajtuan tema të ndryshme rreth ligjit, kriminalitetit, rolit të të rinjve në parandalimin e konflikteve në komunitetin e tyre dhe familje, bashkëpunimi i shkollës me policinë, marrëdheniet prindër fëmijë, të rinj –mësues etj. Gjithashtu u trajtuan disa tema rreth drogës, prostitucionit, rrezikut të tërheqjes në rrugën e krimit dhe mënyrat e realizimit te saj. Në ditën e dytë të këtij aktiviteti, organizua një eskursion në një prej vendeve historike të Shqipërisë, në kalanë e Petrelës.  

4.      Rritja e bashkëpunimit me institucionet arsimore në rrethe të ndryshme

Një ndër objektivat e projektit është të kontribuojë në nxitjen e bashkëpunimit të mësuesve dhe komunitetit të të rinjve me aktorë të shoqërisë civile. Në këtë kuadër, përfaqësues të KSHH kanë kryer takime me përfaqësues të drejtorive arsimore në rrethet Korçë dhe Fier dhe janë shkëmbyer mendime dhe sygjerime me mësues dhe nxënës të këtyre rretheve rreth nevojave të tyre për informacion dhe materialeve informuese në fushën e edukimit qytetar të të rinjve. Në periudhën në vazhdim, KSHH ka planifikuar të zhvillojë seminare trajnuese me grupet të të rinjve dhe mësues të shkollave të mesme të rretheve Korçë dhe Fier. Seminaret do të zhvillohen së shpejti.