KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

“Edukimi ligjor në komunitetin e të rinjve”

Për vitin 2002, edukimi dhe sensibilizmi i publikut, veçanërisht i të rinjve është një ndër prioritetet e Komitetit Shqiptar Helsinkit. Edhe më parë, KSHH ka patur në fokus të punës së tij të rinjtë dhe sensibilizimin e tyre për të drejtat dhe detyrimet që ata kanë në një shoqëri demokratike. Ky sensibilizim dhe edukim është realizuar nëpërmjet projektit “Edukim ligjor në komunitetin e të rinjve”, mbështetur nga Fondacioni SOROS, Tiranë dhe Bashkimi Evropian dhe u zbatua nga ky komitet gjatë vitit 2001.

Megjithë përpjekjet e vazhdueshme të shkollave për zgjerimin dhe përmirësimin e programeve të edukimit të të rinjve në shkolla dhe punën e strukturave rinore, të rinjtë kanë nevojë për më shumë programe edukimi. Pamundësitë financiare të shkollave për trajnime vazhduese të mësuesve; numri jashtëzakonisht i madh e të rinjve që mësojnë në shkollat e Tiranës dhe të qyteteteve të tjera të mëdha si pasojë e migrimit të brendshëm, heterogjeniteti i madh i kontigjentit të nxënësve në shkolla dhe në komunitete për rrjedhojë edhe heterogjeniteti i kulturave, zakoneve dhe mentaliteteve; numri i lartë i fëmijëve që kanë braktisur shkollën kryesisht në zonat rurule kanë bërë që shoqëria civile të kryejë një sërë veprimtarish në këtë fushë. Edhe KSHH ka vazhduar të realizojë veprimtaritë e veta me këto mosha.