KSHH

TEL/FAX

++355(4)233671

MISIONI I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

EKSPERTIZA DHE OPONENCA LIGJORE

Monitorimi i Strategjisë Kombëtare “Për përmirësimin e kushteve të jetesës së minoritetit rom”

Komiteti Shqiptar i Helsinkit, në bashkëpunim me fondacionin SOROS (OSFA), është angazhuar në dhënien e ekpertizës për zbatimin e stategjisë kombëtare“Për përmirësimin e kushteve të jetesës së minoritetit rom”. Qëllimi i kësaj ekspertize është monitorimi i kushteve të jetesës së minoritetit rom në fushat kryesore ku është përqendruar strategjia kombëtare e këtij minoriteti, përkatësisht në fushën e arsimit dhe të edukimit, të trashëgimisë kulturore dhe familjare, të ekonomisë dhe të mbrojtes sociale, të shëndetësisë dhe të infrastrukturës si dhe të drejtësisë dhe të administratës publike. Studimi i minoritetit rom është shtrirë në 5 qytete kryesore, përkatësisht në Tiranë, Fier, Korçë, Elbasan dhe Shkodër.

Raporti i përgatitur synon evidentimin e fakteve dhe të të dhënave konkrete lidhur me zbatimin e objektivave dhe masave përparësore të përcaktuara në strategjinë kombëtare, ndërgjegjësimin e strukturave përkatëse shtetërore për marrjen e hapave të duhur në këtë fushë, sensibilizimin e opinionit rom në përgjithësi dhe të organizatave përfaqësuese të këtij minoriteti për domosdoshmërinë e bashkëpunimit të tyre për realizimin e këtyre objektivave si dhe hartimin e rekomandimeve konkrete për organet shtetërore.