Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Dënojmë vrasjen barbare

Tiranë, 5 janar 2006

Komiteti Shqiptar i Helsinkit dënon vrasjen në Greqi të 17 vjeçarit me shtetësi shqiptare Edison Jahjas. Kjo ndodhi disa ditë më parë në Rethino të Kretës.

KSHH përshëndet me këtë rast veprimet e autoriteteve, greke që vepruan me shpejtësi për ndalimin e personave të implikuar në këtë krim. Ne do të dëshironim që hetimi i kësaj çështjeje të ishte i drejtë, i gjithanshëm dhe objektiv sepse në këtë drejtim në disa raste hetimi dhe gjykimi i çështjeve me të dëmtuar ose viktima shqiptare, ka qenë i njëanshëm dhe jo transparent në kundërshtim kjo me legjislacionin e brendshëm dhe dokumentat ndërkombëtare.

KSHH shpreh me këtë rast shqetësimin dhe në të njëjtën kohë edhe keqardhjen e tij të thellë se ende në një vend demokratik dhe anëtar të BE-së siç është Greqia, herëpashere shfaqen me egërsi tendencat dhe veprimet ksenofobe dhe raciste me të cilat shpesh nuk është pajtuar as opinioni i shëndoshë Grek.

KSHH shpreh bindjen se kjo ngjarje e veçuar nuk do të ndikojë në cënimin e frymës së mirëkuptimit dhë bashkëpunimit midis dy vendeve tona.

KSHH gjen rastin t’i drejtohet qeverisë shqiptare që në të ardhmen të tregohet më e vëmendshme në mbrojtje të interesave të ligjshme të shtetasve tanë që punojnë dhe jetojnë në vende të tjera.

Mbrojtja e të drejtave të shtetasve shqiptarë me banim të përkohshëm ose të përhershëm jashtë kufijëve të vet është detyrë kushtetuese.