KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

NJOFTIM

Emigrantë shqiptarë

/ persona të kthyer!

Në rast se mendoni se të drejtat tuaja janë shkelur nga policia ose autoritetet e tjera, shqiptare ose të huaja, ju keni një vend ku mund të ankoheni dhe të kërkoni asistencë ligjore ose ndërmjetësim pranë organeve kompetente. (KSHH nuk përfaqëson çështje në gjykatë)

Telefononi në 00 355 42 33671,të hënën, të mërkurën dhe të premten, nga ora 10.00- 15.00.

Në pamundësi për të telefonuar ju mund të na shkruani në këtë adresë: 

Komiteti Shqiptar i Helsinkit

Rruga: “Gjin Bue Shpata”, Pall.5/1, Ap.4,

Tiranë, Kutia Postare nr.1752

e-mail: office@ahc.org.al

EMIGRANTET

Respektimi i të drejtave të emigrantëve shqiptarë dhe personave të kthyer në Shqipëri

19.06.2009

Me synim për të nxitur bashkëpunimin ndërmjet institucioneve shtetërore dhe shoqërisë civile dhe koordinimin e përpjekjeve në gjetjen e mundësive të përbashkëta për përmirësimin e situatës së të drejtave të emigrantëve shqiptarë dhe personave të huaj të kthyer në Shqipëri, KShH në datën 11 qershor 2009, organizoi një tryezë të rrumbullakët me temë “Respektimi i të drejtave të emigrantëve shqiptarë dhe personave të kthyer në Shqipëri”.

Misione vëzhgimi në pikat e kalim kufirit

03.05.2009

Në kuadër të misionit mbrojtës, edukues dhe sensibilizues lidhur me të drejtat e emigrantëve dhe personave të kthyer, KShH gjatë muajve mars-prill 2009 ka monitoruar 8 pika kufitare, përkatësisht Hanin e Hotit, Bajzën, Muriqanin, Shëngjinin, Kakavijën, Qafë-Botën, Tre Urat dhe Portin e Sarandës.

Monitorimi i respektimit të të drejtave të emigrantëve shqiptarë dhe personave të kthyer në Shqipëri

11.03.2009

KShH bazuar në përvojën disa vjeçare të tij në fushën e të drejtave të emigrantëve shqiptarë dhe personave të kthyer në vendin tonë ka vazhduar t’i kushtojë vëmendje monitorimit të respektimit të të drejtave të njeriut në këtë fushë

Në mbrojtje të të drejtave të emigrantëve shqiptarë

13.12.2008

Me rastin e 60-vjetorit të nënshkrimit të Deklaratës Universale të të Drejtave të Njeriut, Komiteti Shqiptar i Helsinkit dhe Instituti Kombëtar i Diasporës Shqiptare, më datë 11 Dhjetor 2008, organizuan në ambjentet e Ministrisë së Punëve të Jashtme, një konferencë për shtyp ku u prezantua broshura “Në mbrojtje të të drejtave të emigrantëve shqiptarë në Itali dhe në Greqi”.

KSHH-ja i vjen në ndihmë imigrantëve shqiptarë në Itali dhe Greqi

21.07.2008

Për t’u ardhur në ndihmë emigrantëve shqiptarë që jetojnë në Itali, Komiteti shqiptar i Helsinkit përgatiti një broshurë informuese me informacione  për disa çështje me rëndësi për emigrantët shqiptar që ndodhen në Itali si: karta e qëndrimit, rastet e dëbimit, shërbimet ligjore falas, kujt mund ti drejtohen emigrantët sqhiptarë në rast s etë drejtat e tyre sheljen ose ata janë objekt diskriminim dhe racizmi, shërbimet që ofron ambasada shqiptare në Itali

Rritja e bashkëpunimit ndërmjet institucioneve shtetërore në nivel lokal në luftën kundër migracionit të parregullt

Organizuar nga Komiteti Shqiptar i Helsinkit

Kukës, më 28 shkurt 2008

Në datën 28 shkurt 2008, KShH organizoi në rrethin e Kukësit një tryezë të rrumbullakët me qëllim rritjen e ndërgjegjësimit dhe të bashkëpunimit ndërmjet institucioneve shtetërore në nivel vendor për të parandaluar dhe luftuar fenomenin e kalimit të paligjshëm të kufinjve. Gjithashtu, tryeza synoi të rrisë bashkëpunimin e institucioneve shtetërore vendore me aktorë të ndryshëm të shoqërisë civile për informimin dhe sensibilizimin më të mirë të qytetarëve mbi mundësitë e migracionit të ligjshëm.

Komiteti Shqiptar i Helsinkit ofron ndihmë ligjore falas në favor të emigrantëve shqiptarë dhe personave të kthyer

10.12.2007

Në rast se të drejtat e emgirantëve shqiptarë shkelen nga autoritetet shtetërore shqiptare ose të shteteve ku ata jetojnë, Komiteti Shqiptar i Helsinkit (KShH) ofron ndihmë ligjore falas. Ndihmën ligjore e përfitojnë të gjithë emigrantët shqiptarë dhe personat e kthyer që pretendojnë se të drejtat e tyre nuk janë respektuar gjatë procesit të ripranimit.

KSHH-ja ofron shërbimet e mëposhtme:   

- Dhënie këshillimesh ligjore për trajtimin e rasteve të keqtrajtimeve dhe mosrespektimit të procedurave të ripranimit.

- Adresim dhe ndërmjetësim të çështjeve pranë institucioneve shtetërore shqiptare dhe ndërkombëtare. Në bashkëpunim me Grupin Monitorues të Helsinkit Grek, përfaqësim të çështjeve të emigrantëve shqiptarë në Greqi para gjykatave greke dhe në raste të caktuara para Gjykatës Europiane për të Drejtat e Njeriut në Strasburg.

Për t’u ardhur në ndihmë imigrantëve shqiptarë dhe shtetasve të huaj që kalojnë kufirin, KShH-ja ka përgatitur një fletëpalosje. Në të përfshihen informacione për të drejtën e lëvizjes së shtetasve shqiptarë në kufi, për rolin e shërbimeve diplomatike ose konsullore  shqiptare jashtë Shqipërisë, për të drejtat e trajtimit të shtetasve shqiptarë dhe të huaj nga policia kufitare dhe emigracionit dhe procedurat që mund të ndiqen.

FLETEPALOSJA shqip - anglisht - italisht - greqisht

>>>Për më shumë informacion <<<

PERFUNDIME TE VEZHGIMEVE TE KSHH-SE NE DISA PIKA KUFITARE

Respektimi i të drejtave të emigrantëve shqiptarë në pikat e kalimit të kufirit në fokusin e KShH-së

Për të kontribuar në realizimin e së drejtës së lëvizjes së lirë të shtetasve shqiptarë dhe për respektimin e të drejtave të tyre nga policitë e huaja dhe shqiptare, në muajin prill 2006, Komiteti Shqiptar i Helsinkit, nëpërmjet korrespodentëve të tij në rrethet Korçë, Vlorë, Shkodër dhe Gjirokastër zhvilloi disa vëzhgime në pikat e kalimit kufitar. Disa nga përfundimet e këtyre vëzhgimeve do t’i gjeni në  raportin “ Më shumë  vëmendje për tarjtimin e emigrantëve shqiptarë në pikat e kontroll kalimit kufitar”

>>>Për më shumë informacion <<<