Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Mbi vëzhgimin e kryer nga KSHH në pikën e kalim kufirit Kapshticë

Në datën 19-21 Korrik Komiteti Shqiptar i Helsinkit realizoi një mision vëzhgimi në pikën e kalim-kufirit të Kapshticës. Qëllimi i këtij misioni ishte mbledhja e të dhënave mbi rastet e keqtrajtimit të emigrantëve shqiptarë të kthyer nga Greqia, trajtimi i rasteve nga ana e policisë dhe Prokurorisë shqiptare, bashkëpunimi i utoriteteve shqiptare me ato Greke, etj.

Gjatë këtij misioni  u zhvilluan takime me përfaqësues të Komisariatit të Bilishtit, komandantin e postës së kalim-kufirit Kapshticë si dhe u monitorua veprimtaria pranë kësaj pike. Gjithashtu u realizuan takime me përfaqësues të organit të Prokurorisë pranë Gjykatës së Rrethit Gjyqësor të Korçës.

Në kuadër të monitorimit të rasteve të keqtrajtimit të emigrantëve shqiptarë nga policia Greke ka rezultuar se pjesa më e madhe e emigrantëve kalojnë nga pika e kalim-kufirit Kapshticë; Komisariati i Bilishtit është institucioni pranë të cilit bëhen denoncimet e rasteve të keqtrajtimit. Nga takimet e kryera me përfaqësues të prokurorisë pranë gjykatës së rrethit gjyqësor të Korçës, KSHH u vu në dijeni se pjesa më e madhe e çështjeve të filluara ishin pushuar për shkak të mungesës së të dhënave nga ana e viktimave të keqtrajtimit, për shkak të denoncimit pas një kohe relativisht të gjatë, gjë që sjell edhe vështirësi deri pamundësi në provueshmërinë e fakteve, si edhe pasi vepra penale e konsumuar ishte “rrahje”. Gjithashtu përfaqësuesit e kësaj prokurorie u shprehën se mungesa e bashkëpunimit nga ana e organeve homologe Greke ka sjellë si pasojë pengesa në punën hetimore deri edhe në pushimin e çështjeve penale.