KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

SULM KUNDËR SHTYPIT TË LIRË

10.11.2001

Në mbrëmjen e datës 9 nëntor, botuesi dhe gazetari i njohur Nikollë Lesi u bë objekt sulmi nga ana e një personi që reagoi kundrejt një shkrimi të botuar në gazetën “Koha jonë”, në të cilën Zoti Lesi është drejtor. Ky sulm është një akt i rëndë dhune, jo vetëm ndaj personit, por edhe ndaj shtypit të lirë, liria e të cilit është parim kushtetues.

Sulmi bëhet aq më tepër serioz kur kihet parasysh që Zoti Lesi në zgjedhjet e fundit të qershorit është zgjedhur deputet në Kuvend. Është cënuar kështu njëherazi edhe imuniteti i deputetit.Reagimi i personit të lartpërmendur nuk mund të ketë asnjë justifikim kur dihet që çdo njeri ka të drejtën e replikës, të cilën mund ta kërkojë të botohet në të njëjtën gazetë.

KSHH e denoncon këtë akt të dhunshëm si një veprim të papërgjegjshëm që godet një nga parimet bazë të shoqërisë demokratike, siç është fjala e lirë.

U përket autoriteteve kompetente të veprojnë sipas ligjit dhe të vënë përpara përgjegjësisë autorin e këtij sulmi.