KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Një akt pa precedent

Një anëtar qeverie godet një gazetar

16.10.2003

Ka bërë bujë të madhe në opinionin shoqëror dhe në mediat, rasti i pashëmbullt i goditjes të gazetarit Ilir Babaramo, nga Ministri i Rendit Luan Rama. KSHH proteston energjikisht për këtë akt të papërgjegjshëm të kryer nga vetë titullari i një dikasteri që duhet të jetë në roje të mbrojtjes të lirive dhe të drejtave të shtetasve.

Sipas njoftimeve ngjarja ka ndodhur në prani të mjaft dëshmimtarëve që e konfirmojnë këtë ndodhi, pavarsisht nga motivet dhe rrethanat e çështjes.

KSHH siç dihet ka reaguar publikisht në ato raste kur punonjës të policisë kanë keqtrajtuar shtetas të ndryshëm duke përfshirë këtu edhe të ndaluar dhe të arrestuar. Ai pra, nuk mund të mos reagojë edhe ndaj këtij rasti të pa precedent që cënon dinjitetin dhe personalitetin e një gazetari.

KSHH merr shënim edhe për gadishmërinë e shprehur nga z.Luan Rama që organi kompetent ta hetojë dhe sqarojë deri në fund këtë çështje.

KSHH sugjeron që problemi të vlerësohet me seriozitetin më të madh dhe nëse konfirmohet vërtetësia e ngjarjes nuk ka pse të ngurohet në marrjen e masave përkatese.

Njerëzit para ligjit janë të gjithë të barabartë. Ky është parimi kushtetues, zbatimi i të cilit nuk privilegjon dhe nuk përjashton asnjë shtetas qoftë ky edhe funksionar i shtetit.