KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

TË RESPEKTOHET LIRIA E SHTYPIT

DHE E DHËNIES SË INFORMACIONIT,

DUKE RESPEKTUAR  EDHE  TË DREJTAT E  INDIVIDIT

03.06.2002

Nga  ankesat  e ardhura  në Komitetin Shqiptar të Helsinkit ashtu dhe nga leximi i shtypit të shkruar dhe medias elektronike vërejmë se informacioni  mbi ngjarjet e ndryshme  kriminale  në mjaft raste  bëhet dhe me identifikimin e personave që e kanë kryer atë duke i cilësuar si  autorë të  këtyre akteve kriminale. 

Dhënia e një informacioni  të tillë si në shtypin e shkruar edhe në median elektronike  bie ndesh me parimin kushtetor që asnjë person nuk mund të  quhet fajtor  përderisa fajësia  e tij nuk është vërtetuar me vendim  gjyqësor të formës së prerë. Nga ana tjetër  duke e cilësuar personin e dyshuar për të cilin mund të filloj proçedimi penal si fajtor për ngjarjen  në mjaft raste kjo  ka ndikuar në acarimin e konflikteve midis palëve deri në vetëgjyqësi  nga ana e tyre.

Komiteti Shqiptar i Helsinkit bën vëretje lidhur me një praktikë të tillë që ndeshet jo rrallë herë  në shtyp dhe në median elektronike duke iu sugjeruar  që në pasqyrimin e informacionit për ngjarjen kriminale të bëhet kujdes  në cilësimin që u bëhet personave të dyshuar si autore të ngjarjes. Kjo lidhet dhe me misionin e shtypit dhe medias elektronike  siç është pasqyrimi  i saktë dhe me realizëm i ngjarjes apo informacionit  të marrë nga burime të ndryshme.

KSHH bën po ashtu vërejtje për praktikën që ndiqet shpesh në mediat elektronike, kur persona dhe sidomos fëmijë që janë viktima të trafikut të qënieve njerëzore filmohen me gjithë kundërshtimin e tyre.