KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Deklarate per shtyp 

T’u jepet fund presioneve ndaj gazetarëve
(Thirrje e Shoqatës së Gazetarëve të Jugut)

 

Tiranë, më 03.06.2003

KSHH ka marrë një letër nga Shoqata e Gazetarëve të Jugut me qendër në Gjirokastër të datës 22 maj 2003.

Në këtë letër shprehet shqetësimi për atë që quhet “një rritje e shkallës së presionit të njerëzve të politikës ndaj përfaqësuesve të shtypit dhe medias rajonale”. Aty shprehet ankesë se njerëz të veshur me pushtet kanë ushtruar presion ndaj disa gazetarëve të medias lokale, për shkak se ata kanë denoncuar publikisht raste korrupsioni, në të cilat thuhet se janë të implikuar përfaqësues të pushtetit dhe të politikës vendase dhe të qendrës.

Në letër vihet në dukje një qendrim i ri ndaj gazetarëve që bëhen objekt ndjekjeje nga organet e drejtësisë. Aty përmendet edhe një rast konkret kur një gazetar i është nënshtruar një padie civile nga ana e kryetarit të PBDN Vangjel Dule për disa shkrime të botuara ndaj tij në një gazetë të minoritetit. Ky veprim denoncohet si një rast presioni ndaj fjalës së lirë.

KSHH rezervohet të shprehet për thelbin e çështjes derisa ajo është objekt i shqyrtimit gjyqësor. E drejta për t’iu drejtuar gjykatës i përket kujtdo. Nga ana tjetër KSHH i rikthehet edhe njëherë parimit të pranuar përgjithësisht se personalitetet publike duhet të tregohen më tolerantë, ata objektivisht janë më të ekspozuar ndaj kritikave që mund të dalin në shtyp.