KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

DEKLARATË PËR SHTYP

Të sqarohet me objektivitet ankesa e gazetarit Artur Çani

Tiranë, më 3 tetor 2003

Sipas disa të dhënave të shtypit dhe të televizionit, në dt. 2 tetor 2003 gazetari Artur Çani është fyer dhe kërcënuar nga punonjësi i gardës  Agim Lleshi, madje ai, ka tentuar ta tërheq atë zvarrë duke i shqyer edhe këmishën. Duket se shkak për këtë është bërë vendosja e makinës së tij në një vend të palejueshëm (në trotuarin para selisë së kryesisë së Kuvendit). Fill mbas ngjarjes gazetari Çani është ankuar në organet e rendit dhe të prokurorisë.

Pavarësisht nga fakti se njoftimi i Ministrisë së Rendit paraqet një version të ndryshëm nga ai i bërë publik nga z. Çani, KSHH pa paragjykuar zhvillimin e ngjarjes u sugjeron organeve përkatëse që mbas sqarimit me objektivitet të ankesave të paraqitura nga gazetari të bëjë publik rezultatin e këtij verifikimi duke njoftuar për këtë edhe vetë ankuesin.