KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

TË RESPEKTOHET LIRIA E SHTYPIT, TË MOS CËNOHET JETA PRIVATE

07.02.2002 

Disa ditë më parë gazeta "Albania" njoftoi se kryeredaktorit të saj z. Ylli Rakipi i është bërë një telefonatë anonime., me kërcënimin që t'u jepte fund shkrimeve kundër kryetarit të Partisë Socialiste Fatos Nano, përndryshe do ta paguante shtrenjtë. Kërcënimi i pretenduar është një akt i paligjshëm dhe i dënueshëm dhe si i tillë duhet të denoncohet në organet e drejtësisë. Ky është propozimi i parë që bën KSHH.

Nga ana tjetër, KSHH vëren se gazeta "Albania" ka botuar dhe vazhdon të botojë shkrime që kanë të bëjnë me jetën private të liderit të Partisë Socialiste. Kjo i kapërcen kufijtë e misionit të shtypit dhe të etikës gazetareske. Shtypi dhe përgjithësisht media kanë plotësisht të drejtë të ndjekin veprimtarinë e liderëve politikë dhe të bëjnë komentet e kritikat e tyre. Liderët politikë duhet të jenë krejt tolerantë kundrejt këtyre shkrimeve; ata janë persona publikë më të ekspozuar ndaj opinionit në përgjithësi dhe ky është një parim i njohur. 

KSHH bën vërejtje lidhur me një praktikë të tillë që ndeshet jo rrallë në shtyp. Shtypi nuk duhet të ndërhyjë në jetën private të qytetarëve, duke përfshirë dhe atë të personaliteteve.