KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Komiteti Shqiptar i Helsinkit i ka kushtuar vëmendje të vazhdueshme vëzhgimit të respektimit të të drejtave të pakicave kombëtare në Shqipëri.   KSHH ka vëzhguar në mënyrë sistematike situatën e pakicave kombëtare dhe ka sensibilizuar organet e qeverisjes vendore dhe vetë përfaqësuesit e minorieteteve në Shqipëri mbi respektimin e të drejtave të tyre dhe mekanizmat e mbrojtjes së tyre. Tashmë, qysh prej 4 muajsh, Komiteti Shqiptar i Helsinkit ka filluar zbatimin e projektit "Roli i shoqërisë civile në mbrojtjen dhe sensibilizimin e publikut për të drejtat e pakicave kombëtare". Ky projekt është bërë i mundur me mbështetjen financiare të Fondacionit "SOROS".

Disa nga objektivat kryesorë të këtij projekti janë:

• Informimi më i mirë i publikut në përgjithësi dhe pakicave në veçanti rreth Konventës-Kuadër për mbrojtjen e pakicave kombëtare.

• Nxitja e qeverisë shqiptare për përmbushjen e detyrimeve që rrjedhin nga Konventa-Kuadër për mbrojtjen e pakicave kombëtare.

• Nxitja e organeve të qeverisjes vendore (ku janë të përqëndruar minoritetet) për të rritur aksesin e popullsisë minoritare tek këto organe.

• Nxitja e minoriteteve për denoncimin e rasteve të diskriminimit.

• Vëzhgimi i organeve përgjegjëse shtetërore në marrjen e masave për rivendosjen e të drejtave të shkelura në vend.

• Nxitja e qeverisë shqiptare dhe aktorëve të tjerë për zbatimin me sukses të strategjisë për përmirësimin e situatës së romëve.