KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Gjendje e mjeruar e familjeve Rome në lagjet periferike të Tiranës

Tiranë, më 19.12.2002 

KSHH është i angazhuar në një varg vëzhgimesh për të parë gjendjen e romëve në disa rrethe të vëndit. Disa muaj më parë, vëzhgimet janë kryer në rrethin e Fierit dhe në atë të Beratit. Këto ditët e fundit u kryen disa vëzhgime në lagjet periferike të Tiranës. Në asnjë nga vëndet e tjetra të vëzhguara nga KSHH, gjëndja e romëve nuk ka rezultuar më e keqe se në këto lagje.

Grupi yne i vëzhgimit u ndal posaçërisht në zonën që është nën juridiksionin e Minibashkisë Nr. 3, Tiranë, vëndin e quajtur “ Bregu i Lumit”. Këtu banojnë rreth 100 familje rome. Një pjesë e tyre kanë vite që kanë ardhur nga rrethe të tjera.

Nga vëzhgimi rezultoi sa më poshtë:

Së pari, mund të thuhet se ata janë lënë gati “jashtë ligjit” sepse nuk janë rregjistruar në gjëndjen civile.

Së dyti, kushtet e banimit janë tepër të vështira, për të mos thënë të mjerueshme. Ata jetojnë në mes të lagështirës dhe të baltës.

Së treti, fëmijët romë të moshave 6 deri 13 vjeç nuk shkojnë në shkollë, me përjashtim vetëm të fëmijëve të 2-3 familjeve.

Së katërti, gjëndja e tyre ekonomike është nën nivelin e bazes minimale të jetesës. Papunësia është masive dhe kushtet bëhen edhe më të mjerueshme po të merret parasysh fakti që familjet rome të ardhura këtu pas vitit 1991, nuk përfitojnë as asistencë sociale. Ata mundohen të nxjerin bukën e gojës për vete dhe për fëmijët duke u marrë me shitje sendesh të vjetra. Ka shumë prej tyre që dalin për lypje.

Kushtet e mjerueshme të këtyre familjeve rome nuk janë të panjohura. Autoritetet bashkiake janë në dijeni të këtyre kushteve. Ankesave të vazhdueshme të familjeve rome ato u janë përgjigjur me premtime për përmirësime. Por gjëndja ka mbetur e pandryshuar. Të njëjtat kushte dhe po ato probleme janë edhe tek Bregu i Lanës ku banojnë po ashtu familje rome.

KSHH e ngre me forcë këtë çështje duke e quajtur si një shkelje të rëndë të regjimit të minoriteteve. Prej autoriteteve përkatëse kërkohet vëmendje më e madhe dhe marrje masash për një përmirësim të shpejtë të gjëndjes së familjeve rome qw banojnw në lagjet periferike të kryeqytetit.