Komiteti Shqiptar i Helsinkit

Në kuadër të veprimtarisë së tij në fushën e minoriteteve, KSHH ka filluar zbatimin e një projektit në Bashkinë e Korçës me titull “Monitorimi i Ushtrimit të të drejtave të minoriteteve në bashkinë e Korçës”. Qëllimi i projektit është vlerësimi i respektimit të të drejtave të minoriteteve në këtë qytet, dhe evidentimi i mundësive për zhvillimin e tyre. Gjithashtu, nëpërmjet tij synohet të rritet pjesëmarrja e minoriteteve në vendimmarrje vendore dhe të forcohen marrëdhëniet e tyre me pushtetin vendor.

Objektivat kryesorë të projektit:

• Vlerësimi i punës së bashkisë Korçë nga ana e qytetarëve;

• Vet-vlerësim i punës së administratës bashkiake Korçë;

• Evidentimi i shkallës së pjesëmarrjes së përfaqësuesve të minoriteteve në vendimmarrjen vendore;

• Evidentimi i mundësive për përmirësimin e punës së administratës bashkiake në promovimin dhe respektimin e të drejtave të minoriteteve në bashkinë e Korçës.

Aktivitetet që do të realizohen në kuadër të projektit:

• Realizimi i një takimi me Këshillin Bashkiak të Korçës;

• Marrja e vendimit për përfshirjen e administratës bashkiake në zbatimin e projektit;

• Plotësimi i pyetësorëve nga ana e qytetarëve, shoqërisë civile, intelektualëve, minoritarëve dhe adminitstratës së bashkisë;

• Hartimi i raportit bazuar në mbledhjen dhe përpunimin e të dhënave të pyetësorëve;

• Tryezë e rrumbullakët me aktorë rajonale dhe të bashkisë Korçë për diskutimin e raportit.

Rezultatet e pritshme të projektit:  

• Një përfshirje e gjerë e qytetarëve të bashkisë Korçë në zbatimin e projektit;

• Shprehja e vullnetit politik në zbatimin e projektit nëpërmjet marrjes së vendimit të këshillit bashkiak;

• Rritja e përfaqësimit të minoriteteve në vendimmarrjen vendore;

• Përmirësimi i punës së bashkisë në promovimin e të drejtave të minoriteteve në bashkinë e Korçës.

Projekti zhvillohet në kuadër të një nisme rajonale për zbatimin e të cilit janë përfshirë vendet e mëposhtme:

Shqipëri:

Komiteti Shqiptar i Helsinkit

(contact person: Klesta Alikaj)

Bullgari,

organizata implementuese është

International Center for Minority Studies and Intercultural Relations (IMIR)

(contact person: marko@imir-bg.org )

Serbi

Ethnicity research Center  - Serbia

(contact person: Katarina Crnjanski )

Rumani

Ethnocultural Diversity resource center - Romania

(contact person: Monica Robotin )

Maqedoni

Macedonian Helsinki Committee 

contact person (gordana@mhc.org.mk)