KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Misione vëzhgimi

VËZHGIM I MINORITETIT SERBO-MALAZES

 Në kuadër të projektit "Diversiteti dhe bashkëekzistenca e minoriteteve dhe komuniteteve të tjera në Shqipëri-faktor i rëndësishëm për stabilitetin në rajon", KSHH ndërmori disa misione vëzhgimi në zonën e minoritetit serbo-malazes, për të parë nga afër gjendjen e këtij minoriteti dhe shkallën e respektimit të të drejtave të tij. Drejtimet kryesore ku u fokusua interesi i vëzhguesve të KSHH-së ishin: bashkëjetesa e minoritetit me pjesën tjetër të popullsisë së këtyre zonave, respektimi i së drejtës për arsimim në gjuhën amtare, kushtet e jetesës, gjendja e shërbimit shëndetsor, etj, përfaqësimi në administratën publike dhe organet e qeverisjes vendore, pjesëmarrja aktive në jetën kulturore, shoqërore dhe ekonomike, aksesi në media, ruajtja dhe forcimi i identitetit etnik, lidhjet me shtetin amë etj.

1.       Bazuar në takimet me përfaqësues të minoritetit malazes, të administratës vendore, të komunave si dhe bazuar në vëzhgimet në terren, Komiteti Shqiptar i Helsinkit ka arritur në përfundimin se ekziston një bashkëjetesë e mirë, fryma e tolerancës, mirëkuptimit dhe emancipimit në marrëdhëniet ndërmjet minoritetit malazes dhe pjesës tjetër të popullsisë. Nuk u konstatuan raste diskriminimi ose marrëdhënieje pabarazie ose keqtrajtimi për shkak të kombësisë.

2.        Pjestarët e këtij minoriteti nuk kanë patur probleme me ligjin për shkak të perkatesisë se tyre etnike; gjithashtu  nuk kanë patur raste konfliktesh as me pjesën tjetër të popullsisë. Tradicionalisht, marrëdhëniet me popullsinë jominoritare janë shumë të mira

3.        Gjendja ekonomike e banoreve minoritare paraqitet ne nivel te kenaqshem. Ka probleme te infrastruktures, te komunikimit telefonik etj ne kuadrin e pergjithshem te problemeve te vendit.

4.        Fshatrat ku banojne minoritaret janë të mbuluara me qendra shëndetsore dhe me kuadrin e nevojshëm mjekësor.

5.        Në bazë të Konventës -Kuadër për Mbrojtjen e Pakicave Kombëtare, ato (pakicat),  kanë të drejtë të arsimohen në gjuhën e tyre. Në zonën e minoritetit (Vrakë) si dhe në qytetin e Shkodrës, në mungesë të të dhënave të sakta për numrin e fëmijëve minoritarë si kusht për plotësimin e kritereve të domosdoshme për hapjen e mbajtjen e shkollës në gjuhën amtare, nuk ekziston asnjë e tillë.  Nga ana e përfaqësuesve të shoqatës "Moraça Rozafa", janë ngritur pretendimet për rritjen e pjesëmarrjes të përfaqësuesve të minoritetit në administratën publike e organet e qeverisjes vendore.

Për të paraqitur përfundimet e nxjerra nga vëzhgimet e organizuara mbi gjendjen dhe problemet e minoritetit malazez, respektimin e të drejtave të minoritetit në kuadrin e legjislacionit ndërkombëtar dhe atij të brendshëm, Komiteti Shqiptar i Helsinkit organizoi në datën 5.06.2003 një takim në qytetin e Shkodrës.  Në këtë takim u ftuan përfaqësues të qeverisjes vendore, arsimit, shëndetsisë, etj.

Të pranishmit diskutuan problemet e konstatuara nga KSHH gjatë vëzhgimeve dhe përfundimet e tyre.  Në takim u ritheksua nevoja e rishikimit të problemit të arsimimit në gjuhën amtare për zonën minoritare.  KSHH mori përsipër diskutimin e problemit pranë Ministrisë së Arsimit dhe Shkencës.  Gjithashtu KSHH do t'u sugjerojë organeve drejtuese të Radio-Televizionit Publik Shqiptar mundësinë e krijimit të një hapësire për minoritetin malazez në programin e mdias elektronike lokale.  

Nga të pranishmit u kërkua lehtësimi i procedurave të vendosura nga organet e qeverisjes vendore, për rikthimin e mbiemrave tradicionalë.