KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

KRIM I RËNDË KUNDËR ARSIMIT

15.03.2002 

Është njoftuar se më 14 mars 2001 në qytetin e Vlorës, është kryer një krim i rëndë kundër arsimit. Është djegur qëllimisht një shkollë private “Drita e dijes”, nga 3 persona që kanë vepruar të maskuar.

Si rezultat janë shkaktuar dëme të mëdha dhe zjarri ka përfshirë jo vetëm klasat, por edhe shumë pajisje mësimore. Dëmi llogaritet në 180 milionë lekë të vjetra. Ky akt dhune është shpieguar si një hakmarrje e ish pronarëve të godinës së shkollës, të cilët nuk kanë qenë njohur si të tillë nga ana e Bashkisë së qytetit.

KSHH shpreh mendimin se ky akt nuk është thjesht një konflikt për çështje pronësie. Ai është para së gjithash një sulm kundër arsimit. Kuptohet se çdo akt dhune është i ndëshkueshëm. Por ky është një rast i veçantë, është një goditje kundër një interesi publik, siç është e drejta e dhjetëra nxënësve për të hyrë në portat e dijes.

Mund të pritet që forcat e rendit të angazhohen me përpjekje të dyfishuara për të zbuluar fajtorët e këtij akti vandal, që është në kufij të terrorizmit.