KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

DHUNË E USHTRUAR NGA FORCAT SPECIALE

11.01.2002

Me rastin e një grindjeje të rëndomtë ndërmjet dy familjeve më 6 janar 2002 në zonën e Kombinatit, ka patur një ndërhyrje të paligjshme nga ana e forcave speciale.  Një polic ka marrë anën e të vëllait në këtë grindje, por dhe ka thirrur në ndihmë shokët e tij të forcave speciale për të zgjidhur me forcë këtë grindje. Një furgon policie ka shkuar në vend, ka kërcënuar me armë dhe ka keqtrajtuar anëtarët e familjes në grindje. Nga verifikimet e kryera prej Komitetit Shqiptar të Helsinkit, rezultoi se pretendimet e palës së dëmtuar  janë mëse të vërteta.

Përveç kësaj ndërhyrjeje të dhunshme është e palejueshme dhe e paligjshme edhe indiferenca e treguar, me këtë rast, nga punonjësit e Komisariatit nr. 2, të cilët nuk e kanë denoncuar në organet përkatëse këtë sjellje brutale, duke pretenduar se konflikti tanimë ishte zgjidhur ndërmjet policëve dhe viktimave.

KSHH e denoncon këtë qëndrim të forcave të policisë që është një shkelje flagrante e normave të sjelljes  së forcave speciale të repartit të policisë 711 dhe e ligjeve në fuqi  dhe i kërkon organeve kompetente marrjen e masave përkatëse.