KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

DY RASTE TË PËRDORIMIT TË DHUNËS NGA ANA E POLICISË SË KUKËSIT

23.04.2002 

Korrespondenti i KSHH në Kukës informon se ka patur dy raste të përdorimit të paligjshëm të dhunës nga ana e policisë. Në takimin që vetë korrespondenti ka patur në 22.02.2002 me të dënuarin Bledar Halili që mbahet në dhomat e paraburgimit ka rezultuar se ai është keqtrajtuar dhe goditur disa herë nga shefi i krimeve dhe disa policë për arsye se bënte zhurmë.

Rasti i dytë i përket datës 19.04.2002, kur në afërsi të fshatit Kalimash është ndaluar qytetari Martin Prenga, si i dyshuar për vjedhje qenësh të gjahut. Më 22.04.2002 korrespondenti i KSHH ka kontaktuar personalisht me të ndaluarin Martin Leka, i cili u ankua se forcat e policisë kanë ushtruar dhunë në momentin e ndalimit duke e goditur në trup dhe në kokë. Është bërë po ashtu shkelje që atij nuk i është komunikuar e drejta e mbrojtjes me avokat.

Me informacionin që ka dërguar korrespondenti ynë përcjell edhe ankesën e familjarëve të të ndaluarit për këtë keqtrajtim.

Meqënëse raste të tilla janë të përsëritura, KSHH kërkon që organet kompetente të marrin masa të shpejta dhe efektive për t'i dhënë fund veprimeve të tilla arbitrare.