KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Një rast tjetër dhune nga ana e policisë

Korrespondenti i KSHH nga Elbasani njofton për një rast tjetër të përdorimit të dhunës nga ana e punonjësve të organeve të rendit.

Tiranë, më 26.06.2003
Ngjarja ka ndodhur në datën 19.06.2003 në fshatin Kosovë të zonës së Belshit, ku polici i burgut të Kosovës Eduard Shehu ka ushtruar dhunë ndaj qytetarit Fiqir Kasa nga fshati i afërt Seferan. Viktima këtë rast ia ka njoftuar menjëherë medias të Elbasanit, prej nga korrespondenti ynë ka marrë njoftimin e parë. Më pas ai është vënë në kontakt me të dëmtuarin, që e ka treguar ngjarjen si vijon. Polici Shehu i kishte kërkuar atij ta merrte në auto mjetin e tij për të shkuar në një fshat tjetër. Sapo ka zënë vend në makinë polici fillon dhe e fyn bashkëfshatarin e tij, dhe mandej e detyron ta ndalojë makinën dhe fillon ta godasë me grushte si për t’u hakmarrë për një mosmarrëveshje që ai kishte me vëllain e tij.

Korrespondenti kërkoi kontakt me Drejtorinë e Polcisë së Elasanit, e cila ishte në dijeni për ngjarjen, por nuk mund të ndërmerrte asnjë veprim sepse polici i akuzuar është në juridiksionin e Komisariatit të Lushnjës.

Ka rëndëi të theksohet se viktima pas incidentit shkoi në Elbasan për një ekzaminim në ambulancën mjeko-ligjore. Eksperti mjeko-ligjor Altin Kenuti në një akt dëshmie që ka lëshuar posaçërisht për këtë rast i vërteton dëmtimet që sipas tij shkaktojnë paaftësi të përkohshme në punë.

KSHH i rikthehet problemit gjithnjë prezent të përdorimit të dhunës nga punonjësit e rendit. Është detyrë e organeve kompetente  në këtë rast Komisariati i Lushnjës që të marrë masat e duhura për të ndaluar brutalitetin dhe shpërdorimin e pushtetit në radhët e saj.