KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

Ish të përndjekurit politikë përsëri viktima të dhunës policore

 

Tiranë, më 28.05.2003

Neni 47 i Kushtetutës parashikon shprehimisht lirinë e tubimit paqësor dhe pa armë si dhe pjesëmarrjen në to është e garantuar. Veç asaj, tubimet paqësore dhe sheshet dhe vednet e kalimit publik bëhen sipas procedurave të përaktuara me ligj.

Gjithsesi jemi përpara një rasti të ri të përdorimit të dhunës nga ana e policisë Forcat e Rendit kanë të drejtën e tyre të veprojnë sipas ligjit kur është fjala për manifesitmet popullore, të marrin të gjitha masat e nevojshme për një zhvilim paqësor të tyre pa eksese. Janë të përcaktuara edhe rregullat që venë kufi për manifestime që bëhen përpara insitucioneve ose që pengojnë kalimet në vendet publike. Gjithsesi, KSHH konstaton se është përdorur dhunë ndaj protestuesve dhe kjo dhumë i ka kapërcyer kufijtë e një veprimi në frymën e tolerancës dhe të komunikimit paqësor me manifestuesit. Duheshin evituar këto masa ekstreme dhe u duhej bërë thirrje mirëkuptimit he arsyes se protestuesve se nuk bëhej fjalë për të ndaluar një manifestim paqësor që do të binte ndesh me Kushtetutën, porse nuk mund të cënohej veprimtaria normale e institucioneve si dhe jeta nomle e qytetarëve.

Si duket policia ka përdorur në një moment të caktuar edhe metoda brutale. Disa pjesëmarrës përveç që janë trajtuar janë çuar edhe në komisariat, dhe midis tyre edhe një deputet i Ballit Kombëtar.

Që policia i ka kaluar caqet duket qartë edhe nga një reagim i zëdhënësit të Partisë Socialiste i cili u shpreh kundër dhunës së përdorur kundër ish të përndjekurve. Ky qëndrim nuk mund veçse të vlerësohet, por Partia Socialiste është parti në fuqi dhe ka të gjitha mjetet për të vënë rregull në radhët e saj dhe për t’u kërkuar forcave të rendit të tregohen më të qytetëruara dhe më të medruara kundrejt qytetarëve.