KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

TË TREGOHET MË TEPËR VËMENDJE DHE TË MERREN MASA KONKRETE PËR NDALIMIMN E DHUNËS POLICORE

 Në gazetën "Koha jonë" të datës 25 shkurt 2002 ngrihet një tablo tronditëse e dhunës së përdorur nga policia e Komisariatit të Policisë në Rrëshen. Aty janë renditur raste të veçanta të keqtrajtimit të qytetarëve si në moshë të re, ashtu edhe të moshuar. Të dhënat nuk kufizohen me fjalë të përgjithshme, por jepen për çdo rast edhe me shembuj konkretë.

KSHH është shprehur më se një herë për përdorimin e dhunës policore në përgjithësi. Ky problem është shtruar në shkallë vendi dhe është tërhequr vëmendja e autoriteteve për marrjen e masave që t'i jepet fund përdorimit të dhunës policore dhe për t'i vënë përpara përgjegjësisë ligjore të gjithë ata që shpërdorojnë pushtetin në dëm të qytetarëve.

Në rastin konkret, KSHH kërkon që të hidhet dritë e plotë për ndodhitë e Rrëshenit dhe u sugjeron organeve përkatëse që të bëjnë verifikimet e rastit. Kërkohet, po ashtu, transparencë në mënyrë që këto organe të dalin publikisht dhe të informojnë publikun si për faktet, ashtu edhe për përgjegjësitë e tyre.