Integrimi i Shqipërisë dhe shoqëria civile  Emigrantët  Media  Zgjedhjet  Të miturit  Minoritetet  Policia  Edukimi ligjor  Shërbimi ligjor  Burgjet dhe vendet e paraburgimit  Shëndeti dhe të drejtat e njeriut  Ekzekutimi i vendimeve gjyqësore  Letra të KSHH  Informacione të tjera  PROJEKTE  RAPORTE  DEKLARATA

   ZGJEDHJET PARLAMENTARE

STRATEGJIA 2007-2010

  TAKIME KESHILLIMORE

Kërcënime Ndaj të Drejtave të Njeriut në Shqipëri

Deklaratë nga Federata Ndërkombëtare e Helsinkit për të Drejtat e Njeriut dhe Komiteti Shqiptar i Helsinkit

Tiranë, Vienë, 17 Mars 2006.

  Qeveria e re e Shqipërisë, e cila filloi mandatin në Shtator 2006 lançoi reforma rigoroze ligjore dhe institucionale për të trajtuar korrupsionin e shumëpërhapur dhe krimin e organizuar. Ndërkohë që shumë prej nismave të saj janë mirëpritur nga shoqëria civile, të tjerë ngrenë shqetësime për të drejtat e njeriut dhe vënë në dyshim përkushtimin e qeverisë ndaj sundimit të ligjit.

Në zbatim të programit të saj anti-korrupsion, qeveria në një numër rastesh ka shkelur të drejtat dhe liritë kushtetuese. Për shembull, propozoi të kufizonte imunitetin e anëtarëve të parlamentit pa ndryshuar dispozitat kushtetuese që garantojnë imunitetin, dhe të përjashtonte punësimin në administratën publike, në poste të doganave dhe tatimeve praktikisht çdo të afërm të autoriteteve që tashmë mbanin poste të larta në qeveri apo administratën publike. Për më tej, duket se një numër punonjësish shtetërorë janë pushuar nga puna pas procedurash që u mungon transparenca.

Zyrtarë të qeverisë kanë implikuar individë në korrupsion në mënyrë publike përpara se çështjet e tyre të hetoheshin dhe gjykoheshin, ndoshta duke shkelur të drejtën për t'u konsideruar i pafajshëm derisa të provoheshin si fajtorë në një gjyq të drejtë.

Gjithashtu, qeveria ka propozuar amendamente në legjislacionin mbi sekretin shtetëror, të cilat, nëse miratohen, mund të kufizojnë seriozisht aksesin ndaj informacionit me rendësi apo interes publik.

Gjithashtu, qeveria ka dështuar për të propozuar me shpejtësi ndryshime në kodin zgjedhor megjithë faktin që zgjedhjet e kohëve të fundit vazhduan të mos arrinin në lartësinë e standarteve ndërkombëtare. FNH dhe KShH nxisin qeverinë t'iu përgjigjet rekomandimeve përkatëse të paraqitura nga Organizata për Bashkëpunim dhe Siguri në Europë (OSBE).

FNH dhe KShH përshëndesin faktin që qeveria shqiptare ka përcaktuar si përparësi luftën kundër korrupsionit dhe krimit të organizuar, ne jemi të shqetësuar për mjetet e përdorura për të arritur synimet, disa prej të cilave shkelin përkushtimet ndërkombëtare të Shqipërisë. Respektimi i kujdesshëm i atyre standarteve, si dhe bashkëpunimi transparent me shoqërinë civile, do të sigurojnë që të respektohen të drejtat e të gjithëve.

Për më shumë informacion:

Federata Ndërkombëtare e Helsinkit për të Drejtat e Njeriut:

Aaron Rhodes, Drejtor Ekzekutiv, +43-1-4088822

Henriette Schroeder, +43-676-725 4829

Komiteti Shqiptar i Helsinkit:

Vasilika Hysi, Executive Director, +355-4-233 671