KSHH

TEL/FAX

++355(4)233671

Misioni I KSHH-së

Misioni kryesor I KSHH-së është vëzhgimi I respektimit të të drejtave dhe lirive të njeriut dhe reagimi për rivënien e tyre në vend, sensibilizimi I shtetasve mbi mbrojtjen e të drejtave dhe lirive të tyre; përmirësimi I legjislacionit dhe praktikës për zbatimin e ligjit nëpërmjet oponencave dhe rekomandimeve si në fazën e draftimit të tyre, ashtu edhe gjatë zbatimit të tyre.

PËR PËRMIRËSIMIN E KUJDESIT SHËNDETSOR NDAJ NËNAVE SHTATZËNA DHE FËMIJËVE

28.01.2004

Ditët e fundit, mësuam nga media, për lindjen e një foshnje jashtë parametrave normale për të jetuar. I prekur qysh në barkun e nënës nga sëmundja e rrallë e hidrocefalisë, foshnja nuk arriti të qëndronte në jetë më shumë se 24 orë. Lindja e tij mund të ishte parandaluar. Për fat të keq, ky rast nuk është i vetëm, sidomos në trevën e Elbasanit. Është shqetësuese edhe kur shohim ecurinë statistikore të jetës së foshnjave nga 0-1 vjeç. Sipas raportit të fundit zyrtar të publikuar nga INSTAT, gjatë vitit 2002 rezulton një rritje e dukshme e numrit të vdekjeve të foshnjave të kësaj moshe, krahasuar me vitet e mëparshme që nga 1999.

Komiteti Shqiptar i Helsinkit (KSHH) dhe Qëndra Avokatore e Grave (QAG) si organiziata që merren me mbrojtjen e te drejtave te njeriut dhe ndihmën e grave në nevojë reagojnë publikisht ndaj një niglizhencë të theksuar që tregohet ndaj nënës  dhe fëmijës

KSHH-ja dhe QAG-ve sjell në vëmendje të autoriteteve përgjegjëse faktin se sigurimi i një mbrojtjeje të veçantë nga Shteti për këto kategori, është një detyrim kushtetues i parashikuar shprehimisht nga neni 54/1 i Kushtetutës sonë. Mbrojtja e jetës, e shëndetit dhe e zhvillimit të fëmijës, përbën një detyrim shtetëror të përcaktuar edhe nga legjislacioni ndërkombëtar për të drejtat e Njeriut, ku spikat Konventa Ndërkombëtare për të Drejtat e Fëmijës, e ratifikuar nga vendi ynë qysh në vitin 1992.

Në këtë kuadër, Shteti shqiptar është përgjegjës për situatën jo të mirë në drejtim të mbrojtjes së nënës dhe fëmijës. Ai ka për detyrë të marrë masa të menjëhershme. Eshtë e vërtetë se në Shqipëri ekziston një kuadër i domosdoshëm ligjor, një paketë ligjesh të përbërë nga akte të miratuara nga Kuvendi dhe nga disa akte nënligjore, të cilat mund të përmirësohen në mënyrë efikase. Por, aktualisht, mendojmë se mbetet urgjente ndërhyrja pozitive e strukturave përkatëse shtetërore, sidomos e Qeverisë dhe e Ministrisë së Shëndetësisë, për përmirësimin e shërbimit shëndetsor, në të cilin, 10 vitet e fundit është vënë re një rënie e ndjeshme.

Shërbimi shëndetësor në fshat, nga ku vinte edhe foshnja e pafat, shpesh nuk ekziston fare. Nuk mund të mos lemë pa përmendur edhe fenomenet dëmtuese të korrupsionit dhe në ndonjë rast, të shndërrimit të veprimtarisë së shërbimit shëndetsor në veprimtari biznesi.

KSHH dhe QAG i bën Apel strukturave shtetërore të shendetësisë të  zbatojnë më  mirë ligjet në  fuqi dhe të vënë para përgjegjësisë ata persona që më ligj janë të ngarkuar me kujdesin ndaj nënës shtatëzëna dhe fëmijës.

KSHH dhe QAG i bën apel Ministrisë së Shëndetsisë të marrë masa urgjente për të forcuar shëërbimin parësor në të gjithë vendin, veçanërisht në zonat rurale dhe ato zona ku ka varfëri

KSHH dhe QAG i bën apel Minsitrisë së Shendetësisë të ushtrojë kontrolle të vazhdueshme për të parë kujdesin ndaj nënës dhe fëmijës dhe të ndërhyjë me masa konkrete për të përmirësuar situatën.

Komiteti Shqiptar i Helsinkit dhe Qëndra Avokatore e Grave i kërkon autoriteteve shtetërore të bashkëpunojnë më mirë me shoqërinë civile për të siguruar edhe një rritje të nivelit të kulturës e të edukimit shëndetësor në zonat rurale dhe në familjet në nevojë.

Jeta mjaft e shkurtër e foshnjës si dhe shumë raste të tjera në ndodhura në qyteti e Elbasanit është një apel i fortë edhe për strukturat shtetërore përgjegjëse për mbrojtjen e mjedisit, konkretisht, për ministrinë e Mjedisit, e cila duhet të marrë masa urgjente për të respektuar nenin 56 të Kushtetutës, nenit që afirmon të drejtën e çdo qytetari për t’u informuar mbi gjendjen e mjedisit dhe për mbrojtjen e tij.

Komiteti Shqiptar i Helsinkit dhe Qëndra Avokatore e Grave i kujton Qeverisë Shqiptare se Koha nuk pret më. Jo vetëm qytetarët e Elbasanit, por të të gjithë Shqipërisë meritojnë të informohen për të drejtat etyre, për gjendjen e mjedisit në vendet ku jetojnë, me shkallën e ndotjes së tij dhe me pasojat e mundshme që mund të vijnë prej ndotjes.

Komiteti Shqiptar i Helsinkit dhe Qëndra Avokatore e Grave i kërkon qeverisë shqiptare të jetë transparente për masat e vazhdueshme që ajo ndërmerr për mbrojtjen e nënës dhe të fëmijës   si dhe të mjedisit.